Probirbio 21:13 - Maung A Balita Biblia

¹³ No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Maung a Balita Biblia

¹³ No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Probirbio 21:13 Iomraidhean Croise

Nehemias 5:13

Inekal koy abel ya akabariber ed awak ko insan ko impayagpayag. “Onya met so pangipayag na Dios ed siopaman ed sikayo ya ag manoor ed sipan to,” inkuankod sikara. “Paandipaten na Dios iray kaabungan yo tan amin a kayaryan yo; anggapoy bengatlan ikera tod sikayo.” Inkuan na balang sakey a wadman, “Amen!”, insan da indayew so Katawan. Tinoor na saray pangulo so sipan da.

Say Libro nen Job 29:12

Tinutulongan ko ray mairap-bilay ya inmeey-ey; tinutulongan ko met iray olila a solingsoling.

Saray Salmo 18:41

Onkekerew ira na tulong, balet anggapoy mangilaban ed sikara; mikakasi rad Katawan, balet ag to ra ebatan.

Saray Salmo 58:4

Napno ray dita a singa saray oleg; pepepetan da ray kalayagan da a singa ra telek a kobra,

Probirbio 1:28

Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Probirbio 28:27

Mangiter kad saray mairap-bilay et ag ka lan balut naandian na nakaukolan. No ikopit moy matam ed saray mairap-bilay, amayamay so mangisambad sika.

Mateo 6:14

“Ta no pirdonaen yo ray mankakasalanan ed sikayo, pirdonaen ki met na Ama yon walad tawen.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Lucas 13:25

No inmalagey lay panguloy pamilya tan inkaput to lay puirta, wala kayod paway tan ontoktok kayo. ‘Katawan,’ inkuanyo, ‘lokasan mo kami pa!’ Onebat ed satan, ‘Ag ko amta no taga iner kayo!’

Saray Gawgawa 7:57

Pinepepetan da ray layag da tan naniingal ira, insan ira nambabansag a dinmogpa ed sikato.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?