Probirbio 19:17 - Maung A Balita Biblia

¹⁷ No mangiter kad saray mairap-bilay singa papautangen moy Katawan, et say Katawan so mambayar ed sika.

Maung a Balita Biblia

¹⁷ No mangiter kad saray mairap-bilay singa papautangen moy Katawan, et say Katawan so mambayar ed sika.

Probirbio 19:17 Iomraidhean Croise

2 Samuel 12:6

Nepeg ton bayaran na mamipat a karakel so inala to, lapud sayan andi-panangasin ginawa to.”

Saray Salmo 41:2

Iyagel ira na Katawan tan pansiansiaen to ran mambilay; pagmaliwen to ran maliket diad tapew na dalin; ag to ra paolyan a napelag ed pakayari na saray kalaban da.

Saray Salmo 72:13

Maabagey ed saray makapoy tan saray mairap-bilay; ilalaban toy bilay da ray walad pankaukolan.

Probirbio 12:14

Saray salita tan gawgawa na too so pakatumangan to; say manepeg ed sikato so nagamuran to.

Probirbio 14:21

No labay moy maliket, kasian mo ray mairap-bilay; kasalanan so pambalaw ed siopaman.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Probirbio 22:9

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Probirbio 28:27

Mangiter kad saray mairap-bilay et ag ka lan balut naandian na nakaukolan. No ikopit moy matam ed saray mairap-bilay, amayamay so mangisambad sika.

Probirbio 28:8

No minmayaman ka lapud alablabas a panagpaabang moy kuartam tan diad panaganamut moy pankanawnawam ed saray totoo, onla ed toon mapangasid mairap-bilay so kayamanan mo.

Ecclesiastes 11:1

Ipoonan moy kuartam ed panagkomirsio ed arum a bansa, et ag mabayag mantubo ka.

Ecclesiastes 11:2

Mangipoonan kad pigaran lugar—anggan diad amayamay a lugar—ta ag mo amta no antoy onsabin maoges ed sika diad sayan mundo.

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Lucas 6:38

Mangiter kayod kapara yon too, pian mangiter met so Dios ed sikayo. Say iter na Dios ed sikayo et singa salup a pinatuk, pinerper tan mantampuwag. Ta no panoy panukat yod arum a too, ontan met so panukat na Dios ed sikayo.”

Deuteronomio 24:19

“No manggapas kayod alog yo et alingwanan yoy arum a ginapas yo, ag yo la papawilen ya alaen; nepeg ya itilak la rad man a para saray sangkaili, saray olila, tan saray bibiin balo, pian say Katawan a Dios yo et bindisionan toy amin a gawaen yo.

FILIPOS 4:17

Aliwan say labay ko labat so makaawat na rigalo, no ag say pakanengneng koy idakel na bungan awaten yo.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.