Probirbio 19:12 - Maung A Balita Biblia

¹² Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Maung a Balita Biblia

¹² Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Probirbio 19:12 Iomraidhean Croise

Genesis 27:28

Itdan ka komuy Dios na linaew na tawen, tan gawaen ton mataba ray alog mo! Itdan to ka komuy dakel a naani tan daakan ya alak!

2 Samuel 23:4

et singa agew ya onsisindag ed kabwasan ya anggapoy lorem, say agew a mamapasileng na karikaan kayariy oran.”

Ester 1:12

Balet nen imbaga na saramay aripen so ganggan na ari, ag labay nen Vasti so ondago. Lapud saya, mapalaloy pasnuk na ari.

Ester 7:8

Nen pinmawil ed kuarto so arin nanlapud tanamanan, katiktikleb nen Haman ed yurongan a kawalaan na riyna. Diad impakanengneng na ari ed saya, inmeyag, “Sayan laki et pasooten to met so riyna ed arap ko, diad dilin loob na palasio?” Ag ni asumpal so arin mansasalita, nen kinobutan la na saray yunuko so olo nen Haman.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Saray Salmo 72:6

Say ari et magmaliw komun a singa oran ya ompelag ed kaalogan, singa mayamaya ya ondadapod dalin.

Probirbio 20:2

Takotan moy mamapasnuk ya ari a singa itakot mod mangwam a lion; mambibikkel ka no pampasnuken mo.

Probirbio 28:15

Pakaskasi ray mairap-bilay ed silong na maoges a manoley; aliling toy mangwam a lion odino liber-liber ya aso.

Ecclesiastes 8:4

Walay pakaoley na antokaman a gawaen na ari, tan anggapoy nayarin mibabali.

Isaias 18:4

Inkuan ed siak na Katawan, “Manlapud tawen ag nalikas so iyosdung ko a singa ipepelag na linaew no panaon na panaganin masalimoot so labi, odino singa ampetapetang ya agew ya onsisinag no kagkaagewan.

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Daniel 6:24

Insan ingganggan na ari ya erelen ira may lalakin angidalem ed kinen Daniel tan impaibontuk to ra, pati saray kaasawaan da tan saray anak da, ed samay abut a kawalaan da ray lion. Kasakbayan ya asabi ray kaaralman na abut, asimpayut la ra na saray lion tan tinetemek day amin a pokel da.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.

Mikias 5:7

Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.