Probirbio 17:17 - Maung A Balita Biblia

¹⁷ Saray kakaaro ipanengneng da lawas so panangaro ra. Antoy kana na sanaagi no ag ira mantatambayan ed gunigon?

Maung a Balita Biblia

¹⁷ Saray kakaaro ipanengneng da lawas so panangaro ra. Antoy kana na sanaagi no ag ira mantatambayan ed gunigon?

Probirbio 17:17 Iomraidhean Croise

2 Samuel 1:26

“Panermenan ta ka, agik a Jonatan; pinabpabli ta ka! Makapakelaw so panangarom ed siak, pinalabsanan toy anggan say panangaro na saray bibii.

2 Samuel 15:21

Balet inmebat si Itai, “Kagalang kon Ari, sambaan kod sika diad ngaran na mabilay a Katawan, a mila ak lawas ed sika anggan iner so laen mo, patey may pansumpalan tayo.”

Ester 4:14

No anggapoy walad sika so panaon a singa saya, manlapud tawen so tulong ed saray Judio et nilaban ira, balet ompatey ka tan mansamput lay pamilya nen amam. Balet antoy amtam no say makasengeg na impagmaliw mon riyna et lapud panaon a singa saya!”

Probirbio 16:28

Saray totoon maoges so mangikakayat na talabutob; manangigapo ray golo tan managderal iray pankakaaro.

Probirbio 18:24

Wala ray totoon konkonwarin kaaro, balet saray arum a kaaro matoor ira nen saray dilin agagi.

Probirbio 19:13

Say makulang-kulang ya anak nayarin deralen toy ama to. Say makolkol ya asawan bii et singa ag manondan panterterter na danum.

Probirbio 19:7

Say mairap-bilay a too bobosulen na anggan saray agagi to; ag pankelawan ya anggapoy kakaaro to. Anggan antoy gawaen to anggapoy nakaaro to.

Saray Hebreo 2:11

Lilinisan nen Jesus iray totoo ed saray kasalanan da; sikato a manlinis tan saray nalilinisan et saksakey so Ama ra, kanyan si Jesus ag ambaing a manawag na agagi ed sikara.

Ruth 1:16

Inmebat si Ruth, “Ag yo komun ipapasoot a taynan ta kayo! Iyabuloy yon mila ak ed sikayo. No iner so laen yo, dimay laen ko; no iner so panayaman yo, dimay panayaman ko. Saray kakanayon yo magmaliw a kakanayon ko, tan say Dios yo magmaliw a Dios ko.

1 Samuel 18:3

Si Jonatan akisipanan a mikaaron anggad angga ed kinen David, ta inaro to a singa panangaro tod sikaton dili.

1 Samuel 19:2

kanyan inkuantod sikato, “Labay kan pateyen nen amak. Manalwar ka nabwas na kabwasan; lakad maamut a pasen tan diman ka.

1 Samuel 19:3

Onla ak tan abayan koy amak diad alog a panamutan mo tan salitaen koy nipaakar ed sika. No walay nakabatan ko ibagak ed sika.”

1 Samuel 20:17

Si Jonatan impansamba to lamet si David ya aroen to, ta si Jonatan inaro toy David a singa panangaro tod sikaton dili.

1 Samuel 23:16

Nilad man nen Jonatan, pinabiskeg toy linawa to tan impanonut to ya ag paolyan na Dios.