Probirbio 17:15 - Maung A Balita Biblia

¹⁵ Makapaingungot ed Katawan so panusa ed toon anggapoy kasalanan tan say pangibolus ed toon maoges.

Maung a Balita Biblia

¹⁵ Makapaingungot ed Katawan so panusa ed toon anggapoy kasalanan tan say pangibolus ed toon maoges.

Probirbio 17:15 Iomraidhean Croise

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

Saray Salmo 94:21

a mankokomplut ira sumpad saray maung a totoo, tan sisintinsiaan da na patey iray anggapoy kasalanan.

Exodo 23:7

Ag kayo mantitila ed pandalem yo, tan ag yo papateyen so toon matonung tan anggapoy kasalanan, ta ag ko ipasen a matonung so toon manggawa na ontan a kaogsan.

Probirbio 11:1

Kabosul na Katawan so masaol a simbangan, balet maliket ed dugan simbangan.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 17:26

Sumlang ed katonungan so panmulta na toon anggapoy kasalanan; napikewet so katonungan no nadusa ray maung a totoo.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Probirbio 31:5

No oninom ira nalingwanan da ray ganggan tan napaolyan da la ray kanepegan na saray walad pankaukolan.

Probirbio 6:16

Wala ray pitoran bengatla a kabosul tan ag labay na Katawan: Say mapaatagey a nengneng, say matilan dila, saray liman managpatey na totoon anggapoy kasalanan, say kanunotan a managplano na saray kaogsan, saray salin masiglat a managgaway kaogsan, say tasin mantotombukay tila to, tan say toon manangigapoy golo ed saray sankakaaro.

Isaias 5:20

Pakaskasi kayo la! Ibabaga yo a maoges so maung tan maung so maoges. Pagmamaliwen yo a kabilongetan so liwawa tan say liwawa so kabilongetan. Gagawaen yon ampait so masamit tan masamit so ampait.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.

Saray Tagleey 3:35

Amta to no ag niniiter ed sikatayo iray inter tod sikatayon kanepegan;

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Amos 5:12

Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Saray Taga Roma 4:5

Balet say toon ag mankimey, no ag ta manisiad Dios a manamaandiy kasalanan da ray makasalanan, paandien na Dios iray kasalanan to lapud pananisia to.

Deuteronomio 25:1

“Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?

Santiago 5:6

Sinintinsiaan yon nadusa tan pinatey yo ray totoon matonung; ag ira linmaban ed sikayo.