Probirbio 17:14 - Maung A Balita Biblia

¹⁴ Say gapo na sangsangan et singa abut ed diki; kanyan patondam kasakbayan ya ombaleg ni.

Maung a Balita Biblia

¹⁴ Say gapo na sangsangan et singa abut ed diki; kanyan patondam kasakbayan ya ombaleg ni.

Probirbio 17:14 Iomraidhean Croise

2 Samuel 19:41

Insan linmad ari iray Israelita tan kuandad sikato, “Akin et abaloan na saray agagi min lalaki a taga Juda a walay kanepegan dan mangalad sika tan olupen da ka, say pamilyam, tan saray totoom diad imbaliw yod Jordan?”

2 Saray Awaran 13:17

Mapalaloy impanalo nen Abiam tan saray sondalo to ed saray taga Israel—liman lasus libo a sankamaungan a sondalo na Israel iray inaatey.

Probirbio 13:10

Say panagpaatagey panlalapwan na gunigon. Magmaung niy onkerew na simbawa.

Probirbio 14:29

No ambetel so olom makabat ka, balet no mipepetang so olom ipapanengneng mo so ontan lan inkakulang-kulang mo.

Probirbio 15:1

Say mapalnan ebat pakekepaen toy pasnuk, balet say ansakit ya ebat palolooren to.

Probirbio 16:32

Magmaung niy toon maanos nen say toon makapanyari. Magmaung niy toon dadangkaan toy sikaton dili nen say toon ooleyan toy intiron siudad.

Probirbio 17:19

Say panlabay ed kasalanan et panlabay ed golo. No malastug ka lawas, goloy aanapen mo.

Probirbio 19:11

No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Probirbio 20:3

Kagalangan na sakey a too so ompaliis ed golo; balet magolo ray makulang-kulang.

Probirbio 25:8

Ag ka bengat-bengat a mangisesegep ed korti na kason nipaakar ed anengneng mo. Ta antoy gawaen mo no walay arum a tasin mamaneknek a nalilingo ka?

Probirbio 26:21

Say oring papepetangen toy ngalab, say kiew padadalangen toy apoy, tan saray magolo pansiasiansiaen day kolkolan.

Probirbio 29:22

Say toon maipapasnuk panlapwan na dakel a kolkolan tan golo.

Saray Taga Roma 12:18

No nayari, diad anggaay nayarian yo, piolupan yon amiy too.

1 TESALONICA 4:11

Gawa yoy anggaay nayarian yon mambilay a mareen. Arap yo labat so kimey yon bukor tan mananap kayoy pambilay yo, onung na ingganggan mi lad sikayo.