Probirbio 17:12 - Maung A Balita Biblia

¹² Magmaung niy makasabat na uson imbatik da ray anak to nen say makasabat na toon makulang-kulang a walay getma ton maoges a gawaen.

Maung a Balita Biblia

¹² Magmaung niy makasabat na uson imbatik da ray anak to nen say makasabat na toon makulang-kulang a walay getma ton maoges a gawaen.

Probirbio 17:12 Iomraidhean Croise

2 Samuel 17:8

Amtam a si amam a David tan saray totoo to et maung iran mibakal; masebeg iran singa uson kabatyan ya imbatik iray anak to. Likud nid saya, abayag lan mibabakal si amam, kanyan no labi ag onoogip a kaiba to ray totoo to.

2 Saray Arari 2:24

Nilingaw to ra, minoldagatan to ra, tan insamba to rad ngaran na Katawan. Kabebekta pinmaway ed takel so duaran uso a kabatyan tan binibingkas day apataplo tan dua ed saramay ogogaw a lalaki.

Probirbio 17:11

Singa maruksan manangibalita so isabi na patey ed saray totoon maoges a naynay a manangigapo na golo.

Probirbio 27:3

Anlemew niy bato tan buer nen say golo a nagawaan na inkakulang-kulang.

Probirbio 28:15

Pakaskasi ray mairap-bilay ed silong na maoges a manoley; aliling toy mangwam a lion odino liber-liber ya aso.

Probirbio 29:9

No irimanda na toon makabat so toon makulang-kulang, makapasnuk labat imay makulang-kulang, manelek-elek tan manggaway golo.

Oseas 13:8

Dogpaan ta kayo a singa sakey ya uson imbatik da ray anak to, tan wabwaben ko ray pagew yo. Singa ak lion a buagen ta kayod kawalaan yo, tan singa ak ayep ed katakelan a mamingbingkas ed sikayo.

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.