Probirbio 16:9 - Maung A Balita Biblia

⁹ Nayarin mamplano ka, balet say Katawan so mangiwawanwan ed saray gawam.

Maung a Balita Biblia

⁹ Nayarin mamplano ka, balet say Katawan so mangiwawanwan ed saray gawam.

Probirbio 16:9 Iomraidhean Croise

2 Saray Awaran 22:7

Linawa na Dios a sayan imbisita tod kinen Joram et sikatoy makasengeg na inkaderal to. Legan a wadmay Ahazia, linma ran dua nen Joram a mangabet ed kinen Jehu a lakin anak nen Nimsi. Si Jehu so pinili na Katawan a mamasamput na panoley na saray kabyangay boleg nen Acab.

Saray Salmo 37:23

Iwawanwan na Katawan so sakey a too ed nepeg a pankurangan to, tan iyaagel to ray makapaliket ed sikato.

Probirbio 16:1

Nayarin mamplano tayo, balet say Dios so makaoley ed pakasumpal da.

Probirbio 16:8

Magmaung niy daiset a kayaryan a nalad malinis ya anapan, nen say dakerakel a kayaryan a nalad kasaolan.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Probirbio 20:24

Say Katawan so angiplano na bilay tayo; panon sirin a natalusan na siopaman so aarapen na dilin bilay to?

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Jeremias 10:23

Katawan, amtak ya anggapoy siopaman a toon walad lima toy pansumpalan to; anggapoy toon nabembenan toy dilin bilay to.

1 Samuel 9:16

“Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”