Probirbio 16:7 - Maung A Balita Biblia

⁷ No makapaliket kad Katawan, napagmaliw mon kakaarom iray kalaban mo.

Maung a Balita Biblia

⁷ No makapaliket kad Katawan, napagmaliw mon kakaarom iray kalaban mo.

Probirbio 16:7 Iomraidhean Croise

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Genesis 33:4

Balet binatik nen Esau ya inabet, nilakap to, insan to inanguban. Manakis iran dua.

2 Saray Awaran 17:10

Say Katawan pinatakot ton mibakal ed kinen Josafat ya amin iray nanarian a walad kaliber-liber na Juda.

2 Saray Awaran 20:30

Walay kareenan sirin nen nanoley si Josafat tan inyarawi na Dios ed kaatapan diad amin a pasen.

Esdras 8:36

Inala da may kaletan ton inter ed sikara na ari, insan da inyawat ed saray gobirnador tan saray opisyal na Luyag na Sagur na Eufrates. Sarayan angyawatan da et tinmutulong ira ed saray totoo tan diad panangigalang ed Timplo.

Saray Salmo 69:31

Lalon panliketan ya na Katawan nen say pangisaklang na baka, nen say pangibagat na bakan kalakyan a matakken la.

Exodo 3:21

“Paabigen koy linawa na saray Egipsio ed sikayo, pian ag kayo ontaynan a kalima-lima.

Probirbio 16:8

Magmaung niy daiset a kayaryan a nalad malinis ya anapan, nen say dakerakel a kayaryan a nalad kasaolan.

Probirbio 3:17

Say kakabatan pagmaliwen ton marakep so panagbilay mo, tan iyarawi to kad kaatapan legan mon mambilay.

Jeremias 15:11

Katawan, ontua komun ya amin iray samba ra no ag ta ka nanlingkuran a maung, no ag ko ra impikasid sika nen walay gunigon tan segsegang da. (

Jeremias 39:12

“Laka ta anap moy Jeremias tan asikasom a maung. Ag mo papasakitan, tan iter mo so antokaman a labay to.”

Jeremias 42:12

Lapud mapangasi ak, pakasian ta kayod sikato tan abuloyan to kayon ompawil a manayam ed dalin yo. Siak, say Katawan, so nansalita.’

Daniel 1:9

et say Dios impagmaliw ton mapangasi tan manunot si Aspenaz ed kinen Daniel.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

COLOSAS 3:20

Sikayo ran anak, toluk kayo lawas ed saray atateng yo, ta makapaliket ya ed Katawan.

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

1 Pedro 3:13

Siopay manggaway makapoy ed sikayo no say kaabigan so pilalek yon gawaen?

1 Juan 3:22

Awaten tayo ray amin a kerewen tayod sikato, ta oonuren tayo ray ganggan to tan gagawaen tayo ray makapaliket ed sikato.