Probirbio 16:32 - Maung A Balita Biblia

³² Magmaung niy toon maanos nen say toon makapanyari. Magmaung niy toon dadangkaan toy sikaton dili nen say toon ooleyan toy intiron siudad.

Maung a Balita Biblia

³² Magmaung niy toon maanos nen say toon makapanyari. Magmaung niy toon dadangkaan toy sikaton dili nen say toon ooleyan toy intiron siudad.

Probirbio 16:32 Iomraidhean Croise

2 Saray Arari 5:12

Insan, sakey ni, ag ta malinis ni ra may ilog na Abana tan Farpar diad Damasco nen say dinanman ya ilog diad Israel? Diman ak la komun nanoras, et apaabig ak la!”

Saray Salmo 103:8

Maaro tan mapangasi so Katawan, aliwan maipapasnuk tan napno na ag mangoman a panangaro.

Probirbio 14:29

No ambetel so olom makabat ka, balet no mipepetang so olom ipapanengneng mo so ontan lan inkakulang-kulang mo.

Probirbio 15:18

Say toon mapetang na olo igagapo toy sangsangan, balet say toon maanos mangiiter na kareenan.

Probirbio 16:19

Magmaung niy toon mapaabeba tan mairap-bilay nen say sakey ed saray mapaatagey tan miaapag ed saray asamsam da.

Probirbio 16:31

Say andokey a bilay et sikatoy tumang na saray totoon matonung; mapagalang a korona so ampotin buek.

Probirbio 16:33

Saray totoo pampapalaranan dan amtaen so linaway Dios, balet say Dios a dili so mangiiter na ebat.

Probirbio 19:11

No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Probirbio 25:15

Say maanos a panananggoyur napalemek toy binmaton impanpuso, tan naayat toy anggan saray manoley.

Probirbio 25:28

No ag mo napokpokay sikan dili, singa ka siudad a mainomay a dogpaan lapud anggapoy padir to.

Ecclesiastes 7:8

Say pangangga na bengatla et maung ni nen say gapo to. Say toon maanos maung ni nen say toon mapaatagey.

Ecclesiastes 7:9

Ag ka bengatbengat mamapasnuk; inkakulang-kulang so pomokuk na sakit na linawa.

Saray Taga Roma 12:21

Ag ka padadaeg ed maoges; nepeg mo ingen a daegey maoges diad panamegley na maung.

TAGA-EFESO 5:1

Alig yo so Dios, bangta anak to kayon inararo.

Santiago 1:19

Tandaan yo ya, inararok iran agagi! Nepeg a masiglat ya ondengel so balang sakey, mapalnad panagsalita, tan aliwan maipapasnuk.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.