Probirbio 15:8 - Maung A Balita Biblia

⁸ Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Maung a Balita Biblia

⁸ Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 15:8 Iomraidhean Croise

2 Samuel 15:12

Nen mangibabagat si Absalom, angibakid baley na Gilo na mangawit ed kinen Ahitofel a sakey ed saray managsimbawa nen Ari David. Binmiskeg so komplut a sumpad ari, tan dinmakel iray akiolup ed kinen Absalom.

1 Saray Arari 3:10

Akaliket so Katawan lapud saya so kinerew nen Solomon.

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

Saray Salmo 17:1

Katawan, dengel mo pay ikekerew koy katunongan; imanom pay ikekerew ko na tulong! Dengel mo pay pikakasik, ta ag ak mantitila.

Probirbio 10:24

Nagamuran na saray totoon matonung so pilalek da, balet onsabid saray totoon maoges so tatakotan da.

Probirbio 15:29

No mampikasi ray maung a totoo, ondengel so Katawan, balet ag to aasikasoen iray totoon maoges.

Probirbio 15:7

Say pakaamta ikakayat na saray totoon makabat, aliwan saray makulang-kulang.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Probirbio 21:3

Say panggawa na kaptekan tan katonungan et makapaliket ed Katawan nen say pangisaklang na saray bagat ed sikato.

Probirbio 28:9

No ag mo oonuren so ganggan, kabosul na Dios a dengelen so pikakasim.

Ecclesiastes 5:1

Apiger moy kakaonlam ed Timplo. Say iyakar mon manaral ed Timplo et magmaung ni nen say pangisaklang na saray bagat a singa gagawaen na saray makulang-kulang ya ag da amtan ibiig so maung ed maoges.

Kanta nen Solomon 2:14

Singa ka malapatin onaamut ed lengat na baleg a bato. Nengnengen ko pa tay malimgas a lupam tan dengelen ko pay masamsamit a bosis mo.

Isaias 61:8

Say Katawan kuanto, “Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Daniel 9:23

Nen ginapwan moy mampikasi ed Dios, inebatan to ka la. Inaro to ka, kanyan linma ak dian mangibagad sika na ebat. Dengel kan maung sirin, legan kon ipapaliwawa so kabaliksan na samay pasingayew.

Levitico 7:18

No walay karnin kinan ed kumatlon agew, say Dios ag to awaten so bagat na samay too. Sayan bagat ag nipasen a manepeg a bagat na samay too, no ag ingen sakey bagat a marotak, tan nadusa so siopamay mangan ed sayan bagat.

Mikias 6:6

Antoy awiten kod Katawan a Dios na tawen, no onla ak a mangigalang ed sikato? Mangawit ak na saray sankaabigan a kilaw na baka ya isaklang kod sikato ran bagat a popoolan?

Mikias 6:7

Manliket kasiy Katawan no iyawitan ko na sanlibon karniro odino larak na oliba ya ag manganggay agos to? Isaklang ko kasid sikaton bagat so pangulowan ya anak ko a pambayar na saray kasalanan ko?

Aggeo 2:14

Insan inkuanen Aggeo, “Say Katawan ibabaga to ya onya met so nagawad saray totood sayan bansa tan amin a bungay kimey da tan saray ayayep da; kanyan marotak ya amin iray isasaklang dad altar.”

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Juan 4:24

Ispiritu so Dios, kanyan saray mangigalang ed sikato nepeg dan galangen ed ispiritu tan diad katwaan.”