Probirbio 15:28 - Maung A Balita Biblia

²⁸ Saray maung a totoo mannununot ira kasakbayan iran onebat. Saray totoon maoges bengat-bengat iran onebat, balet panlalapwan ya na golo.

Maung a Balita Biblia

²⁸ Saray maung a totoo mannununot ira kasakbayan iran onebat. Saray totoon maoges bengat-bengat iran onebat, balet panlalapwan ya na golo.

Probirbio 15:28 Iomraidhean Croise

Saray Salmo 59:7

Dengel mo pay panagleglemew tan pangtaktakot da. Saray dila ra et singa ra ispada ed saray sangi ra, balet abaloan dan anggapoy makakadngel ed sikara.

Probirbio 10:19

Mainomay a makapankasalanan so toon malabir. Makabat so toon madangka ed panagsalita.

Probirbio 10:32

Saray totoon matonung amta ray salitan marakep ya ibalikas, balet saray totoon maoges ansakit a salita so lawas ibabalikas da.

Probirbio 13:16

Saray totoon walay pakatalus mannunot ira kasakbayan a walay gawaen da, balet saray totoon makulang-kulang ibabawag day inkakulang-kulang da.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Probirbio 16:23

Saray totoon makabat mannununot ira kasakbayan a mansalita ra; say ibaga rad satan et lalon makaayat.

Probirbio 29:11

Saray totoon makulang-kulang ag da iyaamut so pasnuk da, balet maanos tan napokpokan day pasnuk da iray totoon ikakana ray olo ra.

Probirbio 29:20

Baleg niy ilalo na sakey a toon makulang-kulang nen say toon ag to nununotey lalabiren to.

Ecclesiastes 5:2

Mannunot ka ni kasakbayan a mansalita ka, tan ag ka bengatbengat a mansisipan ed Dios. Walad tawen so Dios tan wala kad tapew na dalin, kanyan ag mo la pasosolukan so kanepegan mon salitaen.

Ecclesiastes 5:6

Ag mo aabuloyan ya ipelag kad kasalanan na saray salitam, pian ag ka la onlan mangibagad pari ya ag mo ginagalay nankasalanan. Akin et labay mon makapasnuk so Dios ed sika? Akin et labay mon deralen na Dios iray nansagputan mo?

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.