Probirbio 15:27 - Maung A Balita Biblia

²⁷ Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Maung a Balita Biblia

²⁷ Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Probirbio 15:27 Iomraidhean Croise

1 Saray Arari 2:40

kinabayoan toy asno to tan linmad Gat diad kinen Ari Akis, ta anapen to ray aripen to. Nalmo to ra, kanyan insempet to ra.

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Exodo 23:8

Ag kayo mangaawat na pasoksok, ta say pasoksok bulagen to so too, kanyan ag to la nanengneng so katonungan, tan deralen to so kanepegan da ray anggapoy kasalanan.

Probirbio 1:19

Say tulisan pateyen na inkatulisan to—onyay pansumpalan na siopaman a toon mambibilay onung ed inkaruksa to.

Probirbio 11:19

Mambilay so toon pilalek to lawas so manggaway katonungan, balet ompatey so toon ipasoot toy manggaway kaogsan.

Probirbio 11:29

Say toon mangiiter na gunigon ed dilin pamilya to et anggapoy naala to diad kaonuran. Say makulang-kulang a too aripen lawas na makabat a too.

Probirbio 15:26

Kabosul na Katawan iray maoges a kanunotan, balet pakaliliketan to ray salitan makaruyruyo.

Probirbio 20:21

No mainomay mo ya apasegep so kayamanan mo, daiset so iter tod sikan kamaungan.

Probirbio 23:4

Makabat ka no ag ka mankekesaw na alabas ed pampapayaman mo.

Probirbio 28:16

Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

Probirbio 28:25

Golo labat so igagapo na inkasiblet. Magmaung niy kipapasen mo no manmatalek kad Katawan.

Probirbio 29:4

Mabiskeg so bansa no say inkatonung so ipakurang na ari, balet no say kuarta labat so kawalaay pilalek to, deralen toy bansa to.

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Deuteronomio 7:26

Ag kayo mangisesempet na anggan dinan ed sarayan talintaoy diriyos, ta ompan nipelag met ed sikayo so samban walad sikara. Nepeg yon bosulen tan sumpaen ira yan talintaoy diriyos, lapud insamba ra na Katawan.

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

1 Timoteo 6:9

Balet saray totoon mampipilalek ya onyaman, napepelag irad tukso tan napapatitan ira na andi-kakanaan tan makaderal iran likeliket a mangitatabuy ed sikara diad kaderalan tan kabagbagan.

Josue 6:18

Balet ag kayo mangaala na antokaman a nepeg a deralen; no mangala kayo, ondalan so gunigon tan deral ed kampo na Israel.

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”