Probirbio 15:20 - Maung A Balita Biblia

²⁰ Say anak a makabat paliliketen toy ama to. Say makulang-kulang labat ya anak so mambabalaw ed ina to.

Maung a Balita Biblia

²⁰ Say anak a makabat paliliketen toy ama to. Say makulang-kulang labat ya anak so mambabalaw ed ina to.

Probirbio 15:20 Iomraidhean Croise

1 Saray Arari 1:48

tan kuanto, ‘Idayew tayoy Katawan a Dios na Israel, ta diad sayan agew ginawa toy sakey ed saray kabyangay pamilyak a manarin onsalat ed siak, tan inyabuloy ton anengneng ko nin agawa ya!’”

1 Saray Arari 2:9

Natan balet ag mo papaolyan ya ag nadusa. Gawam so isisipen mon maabig; nepeg mon papatey ya andi-saew.”

1 Saray Arari 5:7

Akaliket a maung si Hiram nen naawat toy impaibaga nen Solomon, kanyan inkuanto, “Nagalang natan so Katawan, lapud initdan toy David na sakey ya anak a manari ed saman a matalonggaring a bansa!”

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Probirbio 10:1

Sikara yay probirbio nen Solomon: Paliketen na makabat ya anak so ama to; balet paermenen na makulang-kulang ya anak so ina to.

Probirbio 13:1

Say anak a makabat dedengelen toy bilin na ama to, balet say toon mapaatagey ag ton balut birbiren a sikatoy nalilingo.

Probirbio 15:19

No mangiras ka kairapay nasagmak mo ed anggan iner, balet no matwa ka, anggapoy onsabid sikan gunigon.

Probirbio 23:22

Dengel kad amam; no anggapo, anggapoy bilay mo. No akolaw lay inam, ipanengneng mod sikatoy utang na linawam.

Probirbio 23:24

Maliket a tuloy so ama a walay anak ton matonung. Nikinon mo so anak mon makabat.

Probirbio 29:3

No pablien moy kakabatan ikinon ka na amam. Andi-kakanaan a panagdarak so panggastos ed saray bibiin marotak.

Probirbio 30:17

Say toon luludlureyen toy ama to odino balbalawen toy akolaw lan ina to et nepeg a kanen na saray buitri, odino ipatoktok ed saray wawak ed katakelan iray mata to.

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

FILIPOS 2:22

Sikayo lay mamaneknek ed katooran nen Timoteo. Tinulongan to ak ed impangikayat na Maung a Balita; singa anak a tinmulong ed ama to.