Probirbio 14:8 - Maung A Balita Biblia

⁸ Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Maung a Balita Biblia

⁸ Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Probirbio 14:8 Iomraidhean Croise

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Saray Salmo 119:5

Agaylay pampipilalek kon matoor ak komun ed pangonur kod saray bilibilin mo!

Saray Salmo 119:73

Pinalsa mo ak tan aasikasoen mo ak; itdan mo ak pay pakatalus pian naaralan ko ray ganggan mo.

Saray Salmo 143:8

Ipanunot mo pad siak kapag kabwasan so ag mangoman a panangarom, ta manmamatalek ak ed sika. Itorom pad siak so dalan a nepeg kon laen, ta mikakasi ak ed sika.

Probirbio 11:18

Saray totoon maoges anggapon tuay nagonggona ran kaabigan, balet no gawaen moy kaptekan andi-saew sikay natumangan.

Probirbio 12:5

Matwa so gawaen ed sika na saray totoon maptek; pamalikdo labat so labay a gawaen ed sika na saray totoon maoges.

Probirbio 15:21

Saray totoon anggapoy kalakal maliket irad kaambagelan da, balet saray totoon makabat gawaen day kaptekan.

Probirbio 2:9

No dengelen mo ak, naamtaan mo no antoy maptek, matonung, tan matwa. Naamtaan mo no antoy nepeg mon gawaen.

Probirbio 8:20

Pankukurangan koy dalan na katunongan; totombuken ko ray basbas na kaptekan;

Ecclesiastes 2:13

Et naamtaan ko a maung niy kakabatan nen say inkakulang-kulang, a singa say liwawa maung ni nen say bilonget.

Ecclesiastes 2:16

Anggapoy makakanunot ed saray makabat, anggapo met so makakanunot ed saray makulang-kulang. Diad arapen iran agew, nalingwanan itayon amin. Ompatey ya amin iray katoowan, makabat may makulang-kulang.

Jeremias 13:20

Jerusalem, nengneng mo! Onsasabin manlapud baybay iray kalaban mo! Kawalaan da ray totoon nipiad sikan asikasoen mo, saray totoom ya ikikinon mo?

1 CORINTO 3:19

Ta say kakabatan na sankamundoan, kakulang-kulangan ed arap na Dios. Onung na ibabagay Masanton Sulat, “Erelen na Dios iray makabat diad panamegley na dilin silib da.”

TAGA-EFESO 4:22

Ibeneg yo lay gendat a panagbilay yo. Paolyan yo lay daan ya inkatoo yo a nadederal lapud saray maoges a pilalek.

TAGA-EFESO 5:17

Nepeg ya aliwa kayon singa saray makulang-kulang, no ag ingen talusan yo no antoy labay na Katawan a pagawad sikayo.

2 Timoteo 3:13

Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

Santiago 3:13

Siopad sikayoy makabat tan makatalus? Nepeg ton ipanengneng diad panamegley na maung a panagbilay, tan diad maung iran gawan katekep na oyamo tan kakabatan.