Probirbio 14:5 - Maung A Balita Biblia

⁵ Say napampiaan a tasi ibabaga to lawas so tua, balet say ag napampiaan tilan amin so ibabaga to.

Maung a Balita Biblia

⁵ Say napampiaan a tasi ibabaga to lawas so tua, balet say ag napampiaan tilan amin so ibabaga to.

Probirbio 14:5 Iomraidhean Croise

1 Saray Arari 21:13

Diad arap na saray totoo, inakusa na saramay duaran lalaki si Nabot ya aayewen toy Dios tan say ari. Kanyan impaway dad siudad si Nabot, tan tinupak da ya anggad inatey.

Exodo 20:16

“Ag ka mantitila no mantasi ka sumpad kaparam a too.

Exodo 23:1

“Ag yo iwawakawak so tila-tilan balita, tan ag yo tutulongan so toon nankasalanan diad pantasi yo na tila.

Probirbio 12:17

No ibagam so katwaan, nagawa so katonungan, balet no saray tila, mansusumpal ira ed pakapikewet na katonungan.

Probirbio 13:5

Kabosul na toon matonung iray tila, balet mabambanday tan makapapelag ed kababaingan iray salita da ray totoon maoges.

Probirbio 14:25

Say tasin tuay ibabaga to bilay so ilalaban to; no tila ray ibaga to pantratraidoran to ray totoo.

Probirbio 14:4

No anggapoy bakan napandalus mo ag nakargaay kamalir mo; balet no wala napano na ilik.

Probirbio 14:6

Ag balut narumog na saray totoon mapaatagey so kakabatan, balet saray totoon walay pakaamta mainomay toy manaral.

Probirbio 19:5

No mantila ka ed korti andi-saew a nadusa ka—ag ka makapaliis.

Probirbio 19:9

Anggapoy toon mantitila ed korti a napaliisan toy dusa; asintinsiaan lan ompatey.

Deuteronomio 19:16

No say sakey a too et iyakusa tod sakey a too so kasalanan ya ag to ginawa,

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.