Probirbio 14:35 - Maung A Balita Biblia

³⁵ Pakaliliketan na saray arari iray marunong ya opisyal da, balet dudusaen da ray totoon ag manusumpal na kanepegan da.

Maung a Balita Biblia

³⁵ Pakaliliketan na saray arari iray marunong ya opisyal da, balet dudusaen da ray totoon ag manusumpal na kanepegan da.

Probirbio 14:35 Iomraidhean Croise

Genesis 41:38

tan inkuantod sikara, “Anggapo lay naalmo tayon magmaung a too nen say si Jose, ta walad sikato so ispiritu na Dios.”

Ester 7:7

Inmalagey so ari a mapalaloy petang na olo to, pinmaway ed kuarto, tan linmad tanamanan na palasio. Atalusan nen Haman ya andi-duaruwan dusaen na ari lapud saya, kanyan tinmilak ta kerewen tod Riyna Ester ya ag la komun napatey.

Probirbio 10:5

Makalakal so toon manggapas no panaon na panagani; balet makapabaing so toon manogip no panaon na panagani.

Probirbio 14:34

Say inkatonung pagmamaliwen ton matalonggaring so sakey a bansa; say kasalanan ipepelag tod kababaingan so anggan dinan a bansa.

Probirbio 16:13

Labay a dengelen na ari so katwaan, tan aroen to ray mansasalita na katwaan.

Probirbio 17:2

Say aripen a masilib naoleyan to so andi-kakanaan a lakin anak na amo to, et makapiapag ed tawir.

Probirbio 19:26

Say too labat a makapabaing tan makapaingungot so manduksad ama to tan mamataynan ed ina to.

Probirbio 20:26

Say makabat ya ari narumog to no siopay manggagaway maoges, insan andi-panangasin dusaen to.

Probirbio 20:8

Say ari onyoyorung ed panagsintinsiaan to tan amta toy kaogsan no nanengneng to.

Probirbio 22:11

No inarom so malinis a puso tan maolimek a panagsalita, nakaarom so ari.

Probirbio 25:5

Ekal mod ari iray maoges a sumisimbawa, et naamtaan so oley lapud inkatonung.

Probirbio 29:12

No dengelen na manoley so tilan balita, magmaliw a matila ya amin iray opisyal to.

Mateo 25:21

Inkuanto may amo, ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

Mateo 25:23

Inkuanto may amo ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’