Probirbio 13:21 - Maung A Balita Biblia

²¹ Tombutombuk ed anggan iner so gunigon ed saray makasalanan, balet natumangan na saray maung a bengatla iray matonung.

Maung a Balita Biblia

²¹ Tombutombuk ed anggan iner so gunigon ed saray makasalanan, balet natumangan na saray maung a bengatla iray matonung.

Probirbio 13:21 Iomraidhean Croise

Genesis 4:7

No maung so ginawam, manimimis ka komun; balet lapud maoges so ginawam, say kasalanan et sisiliban to kan tekmelan. Labay to kan oleyan, balet nepeg mon taloen.”

Saray Salmo 140:11

Ag komun manalo iray totoon mangaakusay tila ed kapara ran too; naosilan tan naderal komun na kaogsan iray totoon maruksa.

Saray Salmo 32:10

Amayamay so panirapan na totoon maoges, balet saray manmamatalek ed Katawan iyaagel iray ag mangoman a panangaro to.

Saray Salmo 54:5

Dusaey Dios komun iray kalaban ko diad panamegley na dilin kaogsan da! Deralen to ra, ta sikato et matoor.

Probirbio 11:31

No natumangan diad tapew na dalin iray totoon matonung, andi-saew a nadusa iray totoon maoges tan makasalanan.

Probirbio 13:13

No ipolisay moy maung a simbawa kekerewen moy gunigon, onur mo et arawi kad kaatapan.

Probirbio 17:13

No kaogsan so ibales mod kamaungan, ag naandian na kaogsan so abung mo.

Probirbio 24:16

Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Isaias 47:11

Onsabid sikay deral, et anggapoy salamangkam a makapatondad saya. Biglan onsabid sikay desyang— say desyang ya ag mon balut inilaloan!

Ezekiel 7:5

Sikato yay ibabaga na Katawan a Dios: “Mantotombukay deral ya onsabid sika.

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Saray Gawgawa 28:4

Nen anengneng na saramay tagad man imay oleg ya akabitin ed lima to, inkuandad sakey tan sakey, “Talagan managpatey yan too. Nilaban a tuad dayat, balet ag inyabuloy na Kapalaran a mambilay.”