Probirbio 13:18 - Maung A Balita Biblia

¹⁸ Magmaliw a mairap-bilay tan napelag ed kababaingan so toon ag onderengel ed bilin. Napapagalangan so toon ontotoluk ed panametek.

Maung a Balita Biblia

¹⁸ Magmaliw a mairap-bilay tan napelag ed kababaingan so toon ag onderengel ed bilin. Napapagalangan so toon ontotoluk ed panametek.

Probirbio 13:18 Iomraidhean Croise

Saray Salmo 141:5

Nayarin dusaen tan pampasnukan ak na maung a too diad panangasi to, balet ag ko abuloyan a pagalangan ak na saray totoon maoges, ta ipipikasik lawas so sumpad maoges iran gawa ra.

Probirbio 12:1

Say toon pinabli toy pakaamta labay ton naamtaay kalilingo to, balet say toon makulang-kulang bobosulen toy panametek.

Probirbio 13:13

No ipolisay moy maung a simbawa kekerewen moy gunigon, onur mo et arawi kad kaatapan.

Probirbio 13:19

Agaylay gayagay pusom no nagamuran moy pilalek mo! Saray totoon makulang-kulang ag da labay ya ikbanay kaogsan.

Probirbio 13:25

Malaem so kakanen na saray totoon matonung, balet kulang lawas so kakanen da ray totoon maoges.

Probirbio 15:5

Inkakulang-kulang so ag mo idengel ed bangat na amam; balet kakabatan so pangako na panametek to.

Probirbio 19:6

Labay na balang sakey so mangala na abig-linawa na toon atagey so kipapasen; ipapasen na balang sakey a kaaro to iray totoon mangiiter na abig-linawa.

Probirbio 25:12

Say pasakbay ya inter na toon walay salsali tod panagbilay ed toon sipaparaan ya ondengel et mabli ni nen saray balituk a singsing odino saray alahas a puron balituk.

Probirbio 9:9

Say antokaman ya ibagam ed toon makabat pagmaliwen ton lalon makabat. Say antokaman ya ibagam ed toon matonung aruman toy pakaamta to.

Ecclesiastes 7:5

Magmaung niy makadngel na pasnuk na toon makabat nen say makadngel na kantan panangidayew na toon makulang-kulang.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!