Probirbio 13:13 - Maung A Balita Biblia

¹³ No ipolisay moy maung a simbawa kekerewen moy gunigon, onur mo et arawi kad kaatapan.

Maung a Balita Biblia

¹³ No ipolisay moy maung a simbawa kekerewen moy gunigon, onur mo et arawi kad kaatapan.

Probirbio 13:13 Iomraidhean Croise

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Esdras 10:3

Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

Saray Salmo 115:13

Bindisionan ton amin iray manangigalang ed sikato, atagey man o abeba so kipapasen da.

Saray Salmo 119:165

Walay nagnap a kareenan da ray mangaarod ganggan mo, tan anggapoy bengatlan makatumbad sikara.

Saray Salmo 19:11

Iitdan to ak ya aripen mo na kakabatan; natutumangan ak diad pangoonur ko.

Saray Salmo 19:12

Anggapoy toon makanengneng na saray dilin lingo to; ipaliis mo ak pa, Katawan, ed saray niamut a kasalanan!

Exodo 9:20

Ataktakot iray arum ya opisyal na ari lapud samay imbaga na Katawan, kanyan pinaonla dad pasen a walay tarung iray aripen da tan saray ayayep da.

Probirbio 1:25

Ag yo dinengel iray amin a simbawak tan ag yo labay so papetek ed siak.

Probirbio 13:12

Say ilalon mabayag ya aalagden pakakapoyen toy liknaan, balet say pilalek ya agamuran pagagayagaen to ka.

Probirbio 13:21

Tombutombuk ed anggan iner so gunigon ed saray makasalanan, balet natumangan na saray maung a bengatla iray matonung.

Probirbio 16:20

Dengel moy nibabangat ed sika, et onaligwas ka; manmatalek kad Katawan, et manliket ka.

Probirbio 19:16

Toluk mo ray ganggan na Dios et mambilay kay andokey; no paolyan mo ra, ompatey ka.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Jeremias 43:2

Insan si Azarias a lakin anak nen Hosaya, si Johanan a lakin anak nen Carea, tan saray arum a mapaatagey a totoo kuandad siak, “Mantitila ka. Ag ka imbaki na Katawan a Dios mi a mangibagad sikamin ag kami manayam ed Egipto.

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:16

Insambak iman a gawaen ta sinumlang da ray bilin ko, impolisay da ray ganggan ko, tan ag da nginilinan so Agew na Panagpainawa—nilabay da ni so angigalang ed saray talintaoy diriyos da.

Ezekiel 20:24

Ginawak iman ta impolisay da ray bilin ko, sinumlang da ray ganggan ko, ag da nginilinan so Agew na Panagpainawa, tan angigalang irad saray talintaoy diriyos a nanlilingkuran na saray lalaki ra.

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

Saray Bilang 15:31

lapud impolisay to so imbagay Katawan tan ginagala ton sinumlang so sakey ed saray ganggan to. Sikaton dili so makaoley ed dilin ipatey to.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Lucas 16:31

Balet kuanen Abraham, ‘No ag da dengelen si Moises tan saray propita, ag da met panisiaan so anggan toon naolid bilay.’”

2 Juan 1:8

Manalwar kayo, pian ag nabalang so nanlingetan yo, no ag ingen naawat yoy nagnap a tumang yo.