Probirbio 12:25 - Maung A Balita Biblia

²⁵ Say kapagaan napaandi toy liket mo, balet saray marakep a salita paliketen da ka.

Maung a Balita Biblia

²⁵ Say kapagaan napaandi toy liket mo, balet saray marakep a salita paliketen da ka.

Probirbio 12:25 Iomraidhean Croise

Saray Salmo 38:6

Abokut ak la tan naknaksawan ak; maermen ak lawas ya inagew-agew.

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Probirbio 12:18

Saray salitan andi-nunotan singa ra ispadan makasugat, balet makapaabig iray salitan napnoy kakabatan.

Probirbio 12:26

Say toon matonung iwawanwan toy kaaro to, balet say dalan da ray totoon maoges ibabalang to ra.

Probirbio 14:10

Say gayagam tan kairapan mo et ag nayarin inagnag mod arum a too.

Probirbio 15:13

No maliket iray totoo onimis ira, balet no maermen ira ombilonget so lupa ra.

Probirbio 15:15

Andi-tondan irap so bilay da ray totoon mairap-bilay, balet magayaga lawas so bilay da ray totoon maliket.

Probirbio 15:23

Agaylay gayaga na pakalmo na dugan salita para dugan okasyon!

Probirbio 15:30

Saray makakaimis a lupa pagmamaliwen da kan maliket, tan say maung a balita pagmamaliwen ton maung so liknaan mo.

Probirbio 16:24

Saray marakep a salita et singa ra dilo—masamit tan maabig ed laman mo.

Probirbio 17:22

Say gayaga pansiasiansiaen toy abig na laman mo. Say ermen mankalkalnan mansumpal ed patey.

Probirbio 18:14

Say biskeg na linawam a mambilay sikatoy mamabiskeg ed sika no mansasakit ka; balet no naandi yad sika anggapo lay ilalom.

Probirbio 25:11

Say kanunotan a marakep so inkibalikas to et singa akortin balituk ya impatoon ed pilak.

Probirbio 27:9

Say larak tan say pabalingit paliliketen da ka, balet say gunigon gogoloen toy isip mo.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Zacarias 1:13

Makaligliwa tan makapaliket so inebat na Katawan ed samay anghil.