Probirbio 12:13 - Maung A Balita Biblia

¹³ Say toon maoges naeerel ed saray dilin salita to, balet say toon matonung makalolokpus ed gunigon.

Maung a Balita Biblia

¹³ Say toon maoges naeerel ed saray dilin salita to, balet say toon matonung makalolokpus ed gunigon.

Probirbio 12:13 Iomraidhean Croise

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

2 Samuel 4:9

Inmebat si David ed sikara, “Mansamba ak ed ngaran na mabilay a Katawan, ya angyagel ed siak ed amin a kaatapan.

1 Saray Arari 2:23

Insan insamba nen Solomon diad ngaray Katawan, “Pateyen ak komun na Dios no aliwan bilay nen Adonias so paibayar kod sikato, lapud sayan kekerewen to!

Saray Salmo 34:19

Amayamay iray gunigon a paniirapay toon matonung, balet say Katawan ilalaban tod amin a gunigon to;

Saray Salmo 34:20

aasikasoen a maung na Katawan; anggapoy pokel ton napoter.

Saray Salmo 5:6

Dederalen mo ray totoon matitila, tan babalawen mo ray totoon managpatey tan managpalikdo na kapara ran too.

Saray Salmo 59:12

Kasalanan so walad bibil da, tan maoges ya amin iray salita ra; naerel ira komun ed inkalastug da. Lapud manaayew tan mantitila ra,

Saray Salmo 59:13

diad pasnuk mo, deral mo pa ra; deral mo ra ya anggad ag da kaoput. Naamtaan ed satan na amin a katoowan a say Dios so manooley ed Israel, tan say panooley to et sasakopen toy intiron mundo!

Saray Salmo 64:8

Deralen to ra, lapud saraman a salita; ompeyeng ya amin iray makanengneng ed sikara.

Probirbio 10:8

Awaten na totoon makalakal iray maung a simbawa. Naderal iray totoon mansasalitay maoges.

Probirbio 11:8

Niaarawid gunigon iray totoon matonung; ingen saray totoon maoges lalaen to.

Probirbio 15:2

No mansalita ray makabat a totoo, parakepen day pakatalus, balet andi-kabaliksan so lalabiren da ray makulang-kulang.

Probirbio 18:21

Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Probirbio 21:23

No labay mon naarawiay golo alwaran moy panagsalitam.

Probirbio 6:2

Narel ka na saray dilin salitam, apatitan ka na saray dilin sipan mo?

Ecclesiastes 7:18

Ag mo lalabasey inkaoges odino say inkatonung mo. Igalang moy Dios et onaligwas ka met ni lamlamang.

Daniel 6:24

Insan ingganggan na ari ya erelen ira may lalakin angidalem ed kinen Daniel tan impaibontuk to ra, pati saray kaasawaan da tan saray anak da, ed samay abut a kawalaan da ray lion. Kasakbayan ya asabi ray kaaralman na abut, asimpayut la ra na saray lion tan tinetemek day amin a pokel da.

Mateo 27:25

Inmebat iray totoo, “Sikami tan saray anak mi so onebat ed ipatey to!”

2 Pedro 2:9

Kanyan say Katawan amta to no panon ton ipaliis ed subsubok na bilay iray totoon matoor ed sikato tan no panon ton dusaen anggad Agew na Okum iray totoon bagel,