Probirbio 12:11 - Maung A Balita Biblia

¹¹ Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Maung a Balita Biblia

¹¹ Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Probirbio 12:11 Iomraidhean Croise

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Saray Salmo 128:2

Pambilay moy bunga na nanlingetan mo; manliket tan onaligwas ka.

Saray Salmo 26:4

Ag ak mililimug ed saray totoon andi-kakanaan; ag ak mibabalid saray mansimpisimpitan.

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 13:23

Saray ag nadadalusan a kaalogan nayarin napananian na daakan a kakanen ya onkanad saray mairap-bilay, balet saray totoon maoges isesebel da ran nadalusan.

Probirbio 14:23

Mankimey ka pian walay napambilay mo; no ananggaan moy salita lan salita, magmaliw a mairap so bilay mo.

Probirbio 14:4

No anggapoy bakan napandalus mo ag nakargaay kamalir mo; balet no wala napano na ilik.

Probirbio 20:13

No manogip ka lan manogip magmaliw kan mairap-bilay; mankoli ka et dakerakel so naakan mo.

Probirbio 27:27

Saray natilak a kanding mo itdan da kay gatas, saray kabyangay pamilyam, tan saray katulong mon bibii.

Probirbio 28:19

Say makolin dumaralus walay daakan a kakanen to. Mairap lawas so bilay na saray totoon managdarak na panaon.

Probirbio 6:32

Balet anggapoy kalakal so lakin mikakaloguran. Dederalen to labat so sikaton dili.

Probirbio 7:7

anengneng ko ray amayamay a tobun-balon lalaki ya anggapo niy salsali rad panagbilay, balet walay naimanok a sakey a makulang-kulang.

Probirbio 9:13

Say inkakulang-kulang et singa makmaknul, anggapoy amta, tan anggapoy kababaingan a bii.

Probirbio 9:16

“Gali dia, sikayon anggapoy amta a totoo!” Kuantod toon makulang-kulang,

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Jonas 2:8

Inkaindan day inkatoor dad sika iray mangigagalang ed saray andikakanaan a talintaoy diriyos.

TAGA-EFESO 4:28

Say toon matakew nakaukolan ya ag la mantakew, no ag ta mankimey la na anggan anton aliwan mabanday a kimey, pian makatulong ed saray mairap-bilay.

2 TESALONICA 3:8

Ag kami angawat ed sikayo na antokaman ya ag mi binayaran. Agew-labi kamin nankimey tan nansagput, pian ag kami makabelabelat ed anggan siopa.

Saray Huis 9:4

Initdan da na pitomplon pilak a kuartan nanlapud timplo nen Baal-na-Sipanan. Impangupa to may kuarta na sakey ya olup na totoon maoges, pian miolup irad sikato.