Probirbio 11:23 - Maung A Balita Biblia

²³ Say pilalek na saray totoon matonung mansumpal lawas ed kamaungan; no naala na saray totoon maoges so pilalek da, ampetang so olo na amin a totoo.

Maung a Balita Biblia

²³ Say pilalek na saray totoon matonung mansumpal lawas ed kamaungan; no naala na saray totoon maoges so pilalek da, ampetang so olo na amin a totoo.

Probirbio 11:23 Iomraidhean Croise

Saray Salmo 10:17

Dengelen mo, Katawan, so pikakasi da ray mapaabeba; pabiskegen moy linawa ra.

Saray Salmo 119:10

Lilingkuran ta ka ed intiron pusok; ag mo ak pa aabuloyan ya onsumlang ed saray ganggan mo.

Saray Salmo 119:5

Agaylay pampipilalek kon matoor ak komun ed pangonur kod saray bilibilin mo!

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

Saray Salmo 37:4

Say Katawan so pananapan moy liket mo, et iter tod sika ray pampipilalekan na pusom.

Probirbio 10:28

Gayaga so pansumpalan na saray ilalo na totoon matonung, balet andi-kabaliksan so pansumpalan na saray ilalo da ray totoon maoges.

Probirbio 11:24

Wala ray totoon magastos, balet onyayaman met ni ran siansia. Wala ra met so mapeget a manggastos, balet mandenden so kairapan na bilay da.

Probirbio 11:7

No ompatey so toon maoges, naandipat lay ilalo to. Anggapoy kabaliksan so panmatalek ed kayamanan.

Probirbio 12:5

Matwa so gawaen ed sika na saray totoon maptek; pamalikdo labat so labay a gawaen ed sika na saray totoon maoges.

Probirbio 13:2

Natumangan iray maung a totoo lapud saray ibabalikas da, balet say aanapen na saray managpalikdon totoo et say panggawa ray duksa.

Isaias 26:9

Masimoon ta kan pampilalekan no labi; no sintinsiaan moy mundo tan saray totoo to, naaralan da no antoy so inkatonung.

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!