Probirbio 11:13 - Maung A Balita Biblia

¹³ Ag nipiya so sikrito ed toon managtalabutob, balet nipiya so antokaman ed toon napanmatalkan.

Maung a Balita Biblia

¹³ Ag nipiya so sikrito ed toon managtalabutob, balet nipiya so antokaman ed toon napanmatalkan.

Probirbio 11:13 Iomraidhean Croise

Probirbio 10:19

Mainomay a makapankasalanan so toon malabir. Makabat so toon madangka ed panagsalita.

Probirbio 11:12

Makulang-kulang so toon mambabalaw ed kapara ton too. No makabat ka mandeen ka.

Probirbio 12:23

Saray totoon makabat ag to ipanpanta a walay amta to, balet say makulang-kulang ibabawag toy inkakulang-kulang to.

Probirbio 14:5

Say napampiaan a tasi ibabaga to lawas so tua, balet say ag napampiaan tilan amin so ibabaga to.

Probirbio 19:11

No ikanam so olom pokpokan moy pasnuk mo. No nanggawad sika na makapoy so kaparam a too, kagalangan mo no palabasen mo.

Probirbio 20:19

Say managtalabutob ag balut makaamut. Arawian mo ray totoon mapalalon malabir.

Probirbio 25:9

No sika tan say kaabay mo et walay ag yo pantatalusan, arigloan yo lan dua tan ag mo ibabawag so antokaman ya iyaamut.

Jeremias 38:27

Linman tua ed siak iray amin ya opisyal. Tinetepetan da ak, tan imbagak ed sikara imay amin ya impaibaga na ari. Anggapoy agawaan da, lapud anggapoy akadngel ed tongtongan mi nen ari.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

1 Timoteo 5:13

Naaralan da ni ingey manngiras tan mandarak na panaon diad panliber dad saray kabkaabay. Say lalon maoges, magmaliw iran managtalabutob tan mibabalid bilay na arum a totoo, tan manlabir iray ag da nepeg a labiren.

Josue 2:14

Saramay lalaki kuandad sikato, “Babawien komun na Dios so bilay mi no ag mi tooren so ibaga mi! No ag mo ibagad siopaman so gagawaen mi, isipan mid sika a no inter la na Katawan ed sikami yan dalin, kasian mi kayo, ag mi kayon balut diwiten, sika tan saray kabyangay pamilyam.”

Josue 2:20

Balet no walay pangibagaan mod ginawa mi, ag mi kaukolan a sumpalen so impaisipan mod sikami.”