Probirbio 10:8 - Maung A Balita Biblia

⁸ Awaten na totoon makalakal iray maung a simbawa. Naderal iray totoon mansasalitay maoges.

Maung a Balita Biblia

⁸ Awaten na totoon makalakal iray maung a simbawa. Naderal iray totoon mansasalitay maoges.

Probirbio 10:8 Iomraidhean Croise

Saray Salmo 119:34

Itdan mo ak pay pakatalus pian naonur koy ganggan mo; onuren ko ed intiron pusok.

Probirbio 1:5

Sarayan probirbio nayarian da ya anggan aruman so pakatalus da ray makabat lan totoo, tan nayarian dan iwanwan iray walay aral,

Probirbio 10:10

Mangiiter na golo so toon iyaamut toy katwaan, balet mankikimey para kareenan so toon mangibabagay kakulangan.

Probirbio 10:14

Saray totoon makabat gagawaen day anggaay nayarian da ya arumay pakaamta, balet no saray makulang-kulang so mansalita, asingsingger a golo lay niwala.

Probirbio 12:1

Say toon pinabli toy pakaamta labay ton naamtaay kalilingo to, balet say toon makulang-kulang bobosulen toy panametek.

Probirbio 12:13

Say toon maoges naeerel ed saray dilin salita to, balet say toon matonung makalolokpus ed gunigon.

Probirbio 13:3

Alwaran moy panagsalitam, pian niagel moy bilay mo. Say toon anggapoy adyad panagsalita dederalen toy sikaton dili.

Probirbio 14:23

Mankimey ka pian walay napambilay mo; no ananggaan moy salita lan salita, magmaliw a mairap so bilay mo.

Probirbio 14:8

Akin et makabat so toon masilib? Lapud amta to no antoy gawaen to. Akin et ambagel so toon makulang-kulang? Lapud nunonoten to labat a walay amta to.

Probirbio 9:8

Ag mo pepeteken so toon mapaatagey, ta bosulen to ka. Balet no peteken moy toon makabat, pagalangan to ka.

Probirbio 9:9

Say antokaman ya ibagam ed toon makabat pagmaliwen ton lalon makabat. Say antokaman ya ibagam ed toon matonung aruman toy pakaamta to.

Ecclesiastes 10:12

Pakagalangan na makabat a too so bunga na saray salita to, balet kaderalan na makulang-kulang so bunga na saray salita to.

Santiago 3:13

Siopad sikayoy makabat tan makatalus? Nepeg ton ipanengneng diad panamegley na maung a panagbilay, tan diad maung iran gawan katekep na oyamo tan kakabatan.