Probirbio 10:20 - Maung A Balita Biblia

²⁰ Singa puron pilak iray salita na toon matonung; andi-kakanaan so kanunotan na toon maoges.

Maung a Balita Biblia

²⁰ Singa puron pilak iray salita na toon matonung; andi-kakanaan so kanunotan na toon maoges.

Probirbio 10:20 Iomraidhean Croise

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Saray Salmo 37:30

Say maung a too kakabatan so ibabalikas to, tan kaptekan so sasalitaen to.

Probirbio 12:18

Saray salitan andi-nunotan singa ra ispadan makasugat, balet makapaabig iray salitan napnoy kakabatan.

Probirbio 15:4

Bilay so iiter na marakep iran salita, balet makaderal na kalakal iray maruksan salita.

Probirbio 16:13

Labay a dengelen na ari so katwaan, tan aroen to ray mansasalita na katwaan.

Probirbio 20:15

No amtam so sasalitaen mo, walaan ka na bengatlan mabli ni nen say balituk o alahas.

Probirbio 23:7

“Sigi, mangan ka labat,” kuanto, anta kukuanto labat. Say petepeteg ya inkatoo to et say walad kanunotan to.

Probirbio 8:19

Say nagunggona yod siak et maung ni nen say sankapuroan a balituk, maung ni ra nen say sankarakepan a pilak.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.