Probirbio 1:4 - Maung A Balita Biblia

⁴ Napagmaliw dan marunong iray anggapoy salsalid panagbilay, tan nibangat day pakatalus tan kakabatan ed saray walad kalangweran.

Maung a Balita Biblia

⁴ Napagmaliw dan marunong iray anggapoy salsalid panagbilay, tan nibangat day pakatalus tan kakabatan ed saray walad kalangweran.

Probirbio 1:4 Iomraidhean Croise

Saray Salmo 116:6

Say Katawan iyaagel to ray pakaskasi; nen wala ak ed kaatapan, inlaban to ak.

Saray Salmo 119:130

Say pangipaliwawa na saray salitam et mangiter na liwawa tan kakabatan ed saray anggapoy pakatalus.

Saray Salmo 119:9

Panon a napansiansia na tobun-balo so bilay ton malinis? Diad panamegley na pangonur tod saray ganggan mo.

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

Saray Salmo 34:11

Gali dia, anak, tan dengel yo ak, ta ibangat ta kayo a mangigalang ed Katawan.

Probirbio 3:21

Anak ko, bembenan moy kakabatan tan pakatalus a walad sika; ag mo ra iikbanan.

Probirbio 8:12

Siak so Kakabatan, walad siak so pakatalus; walad siak so pakaamta tan maptek a pananintinsia.

Probirbio 8:17

Inarok iray mangaarod siak; narumog ak na saray maseet a manaanap ed siak.

Probirbio 8:32

“Dengel yo ak natan, sikayon tobun-balo. Manliket kayo no onuren yoy ibabagak.

Probirbio 8:5

Sikayon inoogaw niy kalakal, magmaliw ki lan makatalus; sikayon makulang-kulang, mankalakal kayo la.

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Deuteronomio 4:6

Pampelengan yo ran onuren, ta sikatoy pakabirbiran na saray totood saray arum a bansa a makabat kayo. No narengelan da ra yan amin a ganggan ikuanda, ‘Agay lay kakabatan tan pakatalus na saray totood sayan makapanyarin bansa!’

2 Timoteo 2:22

Kanyan paliisan moy maoges iran pilalek na kalangweran. Manseet kan magmaliw a matonung, matoor, maaro, tan mambilay kan mareen, a kaibam iray totoon malinis so puso ran ontatawag ed Katawan.

Tito 2:6

Ibangat mo met iray babalolaki a mambilay iran maadya.