Probirbio 1:15 - Maung A Balita Biblia

¹⁵ Anak ko, ag ka mimilad saray ontan a totoo. Arawian mo ra.

Maung a Balita Biblia

¹⁵ Anak ko, ag ka mimilad saray ontan a totoo. Arawian mo ra.

Probirbio 1:15 Iomraidhean Croise

Saray Salmo 1:1

Maliket so toon ag ontotombuk ed simbawa da ray totoon maoges, ag to aaligey kagagawa da ray totoon makasalanan, tan ag mikakasakey ed saray totoon managbalaw na kamaungan.

Saray Salmo 119:101

Papaliisan koy maoges a kagagawa, ta labay kon onuren so salitam.

Probirbio 1:14

Gala, mila kad sikami, ta panaapagan tin amin iray natakew tayo.”

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 24:1

Ag ka oniibeg ed saray totoon maoges, tan ag ka mikakaaro ed sikara.

Probirbio 3:31

Ag ka oniibeg ed saray totoon magolo odino aaligen so gagawaen da,

Probirbio 4:27

Arawian moy kaogsan tan mankurang kan mapmaptek. Ag ka onsuasuawi na anggan sakey a kutdang ed maptek a dalan.

Probirbio 5:8

Arawian yo yan bii! Ag kayo anggan onsisingger ed puirtay abung to!

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Isaias 33:15

Nitepel yo, no salitaen tan gawaen yoy inkatonung, no ag yo ikanay pakayari yo a mansaol ed saray mairap-bilay tan ag kayo mangawat na pasoksok, no ag kayo miolup ed saray mamplaplanon mamatey na too odino manggawa na arum a kaogsan.

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.