Oseas 9:8 - Maung A Balita Biblia

⁸ Say Dios imbaki to ak a sakey a propitan mamasakbay ed saray totoo ton Israel. Balet anggan iner a laen ko, papatitan yo ak a singa sakey a manok. Diad dilin dalin na Dios saray totoo so kalaban na propita.

Maung a Balita Biblia

⁸ Say Dios imbaki to ak a sakey a propitan mamasakbay ed saray totoo ton Israel. Balet anggan iner a laen ko, papatitan yo ak a singa sakey a manok. Diad dilin dalin na Dios saray totoo so kalaban na propita.

Oseas 9:8 Iomraidhean Croise

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Saray Arari 18:1

Kayariy pigaran agew, nen mikatloy taon lan anggapoy oran, inkuan na Katawan ed kinen Elias, “Laka, ta iparontal moy sikan dili ed kinen Ari Acab, insan ko la paoranen.”

1 Saray Arari 18:19

Iganggan mon banaen ak na amin a totood Israel diad Palandey na Carmelo. Awit mo ray apat a lasus tan limamplon propita nen Baal tan saray apat a lasus a propita na diosan Asera a tataganoen ira nen Riyna Jezebel.”

1 Saray Arari 22:11

Nanggawa na saray saklur a balatyang so sakey ed sarap propita a si Sedekias a lakin anak nen Canaana tan kuantod kinen Acab, “Onyay inkuan na Katawan: ‘Diad panamegley na saraya, labanan mo ray Siriano, et sigput a taloen mo ra.’”

1 Saray Arari 22:22

Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”

1 Saray Arari 22:28

“No ompawil kan anggapoy maoges ya agawa,” kuanen Micaya, “ag nansalitad panamegley ko so Katawan!” Insan to inyarum ya inkuan, “Tandaan yon amin a totoo—imay imbagak!”

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

2 Saray Arari 13:21

Aminsan ya agew, legan na sakey a tolur, sakey ed saramay olup na Moabita so anengneng, et saray mangitotolur imbantak dad lobuk nen Eliseo so bangkay, insan ira batik. Kadiwit na samay bangkay ed saray pokel nen Eliseo, abilay imay too, insan inmalagey.

2 Saray Arari 2:14

Impaspas tod danum imay kolibemben nen Elias tan kuanto, “Kawalaan na Katawan, say Dios nen Elias?” Pinaspas to lamet so danum, et abelsay, kanyan nanakar ya anggad basil na ilog.

2 Saray Arari 2:21

insan linmad kawalaay sobul na siudad, imbontuk tod danum imay asin, tan kuanto, “Onyay ibabagay Katawan: ‘Gawaen kon masamit yan danum, tan ag la makapatey odino makapaekal na lokun da ray bibii.’”

2 Saray Arari 4:41

Akialay Eliseo na daiset ya arina, impelag tod samay banga tan kuanto, “Mangibales kayo lamet, ta mangan ira may totoo.” Ag la natan makasamal.

2 Saray Arari 4:43

balet inmebat imay aripen, “Onduga ya kasin kanen na sanlasus a totoo?” Inmebat si Eliseo, “Isaklang mod sikara, ta imbagay Katawan a mangan ira, et wala niy nakeraan.”

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

2 Saray Arari 7:19

Onya balet so ebat na samay opisyal, “Ag itan nagawa—anggan mangipelag na oran a tampol so Katawan!” Inebatan balet nen Eliseo, “Nanengneng mon nagawa, balet ag mo natawayan yan tagano.”

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

Saray Salmo 124:7

Akabatik itayon singa manok a nablus ed patit; apultot so patit, tan nablus itayo!

Ecclesiastes 9:12

Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.

Kanta nen Solomon 3:3

Anengneng ak na saray guardia nen manaakar-akar iran mambantay ed siudad. Tinepet kod sikara, “Anengneng yoy lakin inarok?”

Isaias 62:6

Angipasen ak ed tapew na saray padir mo, Jerusalem, na saray bantay; Nepeg ya agew labi ran ag balut ondeen. Nepeg ya ipanunot dad Katawan iray sipan to Tan ag da ipalingwan ed Katawan.

Jeremias 11:19

Singa ak mauyuyamon kordiro a tetengtengen ed panagpateyan, tan ag ko amtad saman a mamplaplano ray maoges a bengatla. Inkukuanda, “Ibatang tayoy kiew legan a mabona-bona ni; pateyen tayo pian anggapo lay makanunot ed sikato.”

Jeremias 14:13

Insan inkuanko, “Katawan a Dios, amtam ya ibabaga da ray propita ed saray totoo ya anggapoy ondalan a bakal odino eras, ta kuandan insipan mo a manari labat so kareenan ed dalin tayo.”

Jeremias 23:13

Anengneng koy kasalanan na saray propitad Samaria; nampropisiya rad ngaran nen Baal, tan imbalang da ray totook ya Israelita.

Jeremias 31:6

On, onsabiy agew a saray managbantay ikolyaot dad toktok na kapokdulan na Efraim, ‘Ontatdang itayod Sion, diad Katawan a Dios tayo.’”

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Jeremias 6:17

Anoro so Katawan na saray totoon managbantay a mandengel ed pasakbay na tanul na trumpita. Balet inkuanda, “Ag kami ondengel.”

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Ezekiel 33:7

“Natan, sika a toon ompatey, gawaen ta ka a managbantay na bansa na Israel. Nepeg mon ipasabid sikara iray pasakbay ya iiter kod sika.

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Oseas 9:7

Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! “Sayan propita,” kuanyo, “et makulang-kulang. Ambagel yan toon apuyanan na ispiritu.” Mapalaloy pambobosul yod siak lapud ambelat lan tuloy so kasalanan yo.

Oseas 9:9

Mapalaloy kaogsan a gagawaen da; singa samay kaogsan a ginagawa ra nen wala rad Gabaa. Nanunotan na Dios so kasalanan da tan dusaen to ra lapud kaogsan da.

Mikias 7:4

Anggan say sankamaungan tan sankatonungan ed sikara et singa la andi-kakanaan a dika. Sinmabi lay agew a dusaen na Dios iray totoo, onung na pasakbay ed sikara na saray managbantay ed sikara, salanti saray propita. Agolo-golo la ra natan.

Juan 15:24

Anggapo komuy kasalanan da no ag ak nanggagawad pegley da na saray kimey ya anggapo niy toon akagawa. Balet natan anengneng da ray ginagawak, et siansian bobosulen da ak tan say Amak.

Saray Taga Roma 3:7

Balet, anto no say pantitilak et sikatoy pakagalangay Dios lapud napalinew so katwaan to? Akin et nasintinsiaan ak nin sakey a makasalanan?

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.