Oseas 8:8 - Maung A Balita Biblia

⁸ Nagmaliw a singa arum a bansa so Israel tan anggapoy kana ton singa nabtag a banga.

Maung a Balita Biblia

⁸ Nagmaliw a singa arum a bansa so Israel tan anggapoy kana ton singa nabtag a banga.

Oseas 8:8 Iomraidhean Croise

2 Saray Arari 18:11

Say impirador na Asiria inawit tod Asiria iray Israelitan adakep, insan impanayam to ray arum ed siudad na Hala, saray arum diad Ilog na Habor ed distrito na Gozan, tan saray arum diad saray siudad na Media.

Isaias 30:14

Nabetag kayon singa banga, tan diad kamisimisi yo anggapoy langa a nayarin panginan na ngalab o pangaur na danum ed bobun.”

Jeremias 22:28

Inkuanko, “Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Jeremias 25:34

Akis kayo, sikayo ran pangulo, sikayo ran pumapastol na saray totook, akis kayoy maksil! Manermen kayo tan mantolin kayod dabuk. Sinmabi lay panaon a sikayoy pateyen, tan napatas kayon singa karniron kalakyan.

Jeremias 48:38

Diad amin a toktok na abung ed Moab tan diad amin a plasa to, akis na kaermenan labat so narerengel lapud binetag kon singa pasig so Moab kanyan anggapo lay malabay.

Jeremias 50:17

Say Katawan kuanto, “Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Jeremias 51:34

Tinetegteg na ari na Babilonia so Jerusalem, insan to kinan. Impagmaliw toy siudad a singa pasig a nakalay karga; singa dragon ya ayep ya angakmon ed siudad. Inaala toy labalabay to, insan to imbantak iray nakdaan.

Saray Tagleey 2:16

Balbalawen ka na amin da ray kalaban mo tan lapud pambosul da, mulmuldagatan da ka. Manngilngilet ira tan mankobibit ira, “Aderal mi la! Sikato yay aalagaren min agew!”

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 2:5

Nagmaliw a singa sakey a kalaban so Katawan, dineral toy Israel; Dinederal to ray tirinsira tan saray palasio na Israel. Angiter na ag manganggan kaermenan ed saray totood Juda.

Saray Tagleey 4:2

Mablin singa balituk iray lalakin tobun-balo ed Sion nen saman, balet natan nibibilang iran singa saray ordinarion banga.

Saray Tagleey 5:2

Walad lima na saray taga arum a bansa iray kayaryan mi; manaayam ed kaabungan mi iray totoon sangkaili.

Ezekiel 36:3

“Mampropisiya ka, sirin, tan ibawag mo so ibabagak, siak a Katawan a Dios. Nen adakep tan asamsaman na saray kaliber-liber a bansa so kapalandeyan na Israel, niluludlurey na balang sakey a too so Israel.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Saray Taga Roma 9:22

Ontan met, anggaman a labay na Dios ya ipanengneng so pasnuk to tan ipaamtay pakayari to, inanosan ton maung ya intepel iray totoon pamapasnukan to tan nepeg la ran dusaen.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 28:64

“Say Katawan itaytayak to kayod saray amin a bansa, manlapud sakey a samput na dalin ya anggad sananey a samput, et diman kayo manlingkur ed saray diriyos a kiew tan bato, saray diriyos a sikayo tan saray lalaki yo et ag yo ran balut ginalang nen saman.