Oseas 8:7 - Maung A Balita Biblia

⁷ No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

Maung a Balita Biblia

⁷ No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

Oseas 8:7 Iomraidhean Croise

Genesis 41:23

Insan pinmaway met so pitoran dawa ya apa tan amaga, lapud adalan na dagem a nanlapud kalawakan.

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

Say Libro nen Job 4:8

Akanengneng ak na saray totoon mambababa ed alog na kaogsan tan mantatanem na bokel na kabaglan, et manaani ra natan na kaogsan tan kabaglan.

Probirbio 22:8

No mantanem kay bokel na aliwan inkatonung, say deral so onsulming, tan ontonda lay panagpairap mod arum a totoo.

Ecclesiastes 5:16

Sikato ya met so sakey a maoges. Ontaynan tayo a singa insabi tayo. Et antoy nagunggona tayo no mankikimey tayon singa manisingkat na dagem?

Isaias 17:11

Anggaman a diad saman lamlamang a kabwasan na impantanem yod saray tanaman so intubo tan impanrosas da anggapo nin siansiay naani yo. Gunigon tan ag manondan sakit labat so onsabi.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Jeremias 12:13

Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.”

Saray Tagleey 5:2

Walad lima na saray taga arum a bansa iray kayaryan mi; manaayam ed kaabungan mi iray totoon sangkaili.

Oseas 2:9

Kanyan no panagani babawien kod sikato ray rigalok a trigo tan alak, alaen kod sikato ray lana tan linen a kawes ya inter kod sikato.

Oseas 7:9

et ag da nanaamamtaan a nanaoyusan iray biskeg, lapud sayan gagawaen da. Magano lay anggaan da, et ag da anggan amta.

Oseas 9:16

Saray totood Israel et singa ra sakey a tanaman ya amagaay lamut to tan ag makapambunga. Ag la ra makaanak, et anggaman a makaanak ira, pateyen ko ray inararo ran anak.”

Nahum 1:3

Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

TAGA GALACIA 6:7

Ag yo titilaay sikayon dili: anggapoy makapantila ed Dios. No antoy intanem na too, sikato met so anien to.

TAGA GALACIA 6:8

Say toon mantanem na saray maoges a likeliket na laman, manani ed saya na patey. Say mantanem onung ed linaway Ispiritu, diad Ispiritu manani na andi-anggaan a bilay.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.