Oseas 7:7 - Maung A Balita Biblia

⁷ “Diad inliub na petang na olo ra pinatey da ray manoley da. Impansosoblayan dan pinapatey iray arari ra, et anggapoy kinmerew ed siak na tulong.”

Maung a Balita Biblia

⁷ Diad inliub na petang na olo ra pinatey da ray manoley da. Impanso soblayan dan pinapatey iray arari ra, et anggapoy kinmerew ed siak na tulong.

Oseas 7:7 Iomraidhean Croise

1 Saray Arari 15:28

Agawa ya nen kumatlon taon na panooley nen Ari Asa ed Juda. Kanyan sinalatan nen Baasa si Nadab a nanari ed Israel.

1 Saray Arari 16:18

Nen anengneng nen Zimri ya alooban lay siudad, linmad tirinsira ed dalem na palasio, insan pinoolan toy palasio tan diman la akalut.

1 Saray Arari 16:22

Diad kaonuran, analo ra may malabay ed kinen Omri; inatey si Tibni tan nagmaliw ya ari si Omri.

2 Saray Arari 10:14

Ingganggan nen Jehu ray totoo to, “Ala yo ran mabilay!” Inerel da ra, insan da ra pinatey ed abay na aralem ya abut diman. Apataplo tan dua ran amin; anggapoy anggan sakey ed sikaray atilak a mabilay.

2 Saray Arari 10:7

Nen naawat da may sulat, pinatey na saray pangulo na Samaria ira may pitomplon kabyangay boleg nen Acab, inyan dad saray baskit iray olo ra, insan da ra impawit ed kinen Jehu diad Jezreel.

2 Saray Arari 15:10

Impangulo nen Sallum a lakin anak nen Jabes so komplut a sumpad kinen Ari Zacarias; pinatey to ed Ibleam si Zacarias, insan sinalatan ton nanari.

2 Saray Arari 15:14

Nanlapud Tirza si Menahem a lakin anak nen Gadi tan linmad Samaria; pinatey toy Sallum, insan sinalatan ton nanari.

2 Saray Arari 15:25

Akikomplut ed limamplon lalakin taga Galaad si Pekas, say lakin anak nen Remalias tan opisyal na saray sondalo nen Pecayas. Pinatey toy Pecayas diad tirinsirad dalem na palasio ed Samaria, insan sinalatan tod nanari.

2 Saray Arari 15:30

Nen kumaduamplon taon na panaarid Juda nen Jotam a lakin anak nen Uzias, si Oseas a lakin anak nen Ela impangulo toy komplut a sumpad Ari Pekas; pinatey to, insan sinalatan ton ari.

2 Saray Arari 9:24

Inala nen Jehu so pana to tan inyoput toy biskeg to ed impamana tod beneg nen Joram, kanyan tinmalus ya anggad puso to so pana. Atumbay Joram tan inatey ed karwahi to.

2 Saray Arari 9:33

insan inkuanen Jehu ed sikara, “Ibontuk yo dia tan a bii!” Imbontuk da, et atalaksikan na dala so padir tan saray kabayo. Impadalan nen Jehu ed laman to ray kabayo tan say karwahi to.

Say Libro nen Job 36:13

Pasnuk lawas so walad puso na saray totoon anggapoy Dios da, tan anggan nadudusa ra, ag ira onkekerew na tulong.

Saray Salmo 14:4

Tetepeten na Katawan, “Sarayan totoon managgaway kaogsan, ag da amta? Pambibilay da ray tatakewen dad saray totook, tan ag ira mampipikasi ed siak.”

Isaias 43:22

Say Katawan kuanto, “Balet sinmawa kad siak nen saman, Israel; ag mo ak inggalang.

Isaias 64:4

Anggapo niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

Ezekiel 22:30

Nananap ak na makapangipaalagey ed padir, a nayarian toy manalagey ed pasen ya ageba so padir tan iyagel toy dalin no ngalngali la deralen na pasnuk ko, balet anggapoy naalmok.

Daniel 9:13

tan inter mod sikami iray amin a dusan nisulat ed Ganggan nen Moises. Balet anggad natan, O Katawan a Dios mi, ag mi ni gagawaen so pamaliket mid sika diad pangibeneg ed saray kasalanan mi odino pangonur ed katwaan mo.

Oseas 13:10

Kinmerew kayo na sakey ya ari tan saray pangulo, balet panoy pangilaban da ed bansa?

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Oseas 7:10

Say panagpaatagey na saray totood Israel et mantatasi sumpad sikara. Anggan anto so agawa, ag ira pinmawil ed siak a Katawan a Dios da.

Oseas 7:14

Aliwan masimoon so panagpikasi rad siak, no ag ta singa ra paganon mannangis ed dokulan da. No mampikasi ran onkerew na trigo tan alak, singa ra paganon salsalgeren day laman da. Agaylay pananumlang da!

Oseas 8:4

“Amili ra na saray arari iray totook, balet ag da ak impibali ed impamili ra. Nantuturo ra na saray pangulo, balet anggapoy abubon ko. Ginagawa ran talintao iray pilak tan saray balituk da—balet kaderalan da ya lamlamang.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.