Oseas 6:9 - Maung A Balita Biblia

⁹ Singa olup na saray matakew a mananeb na sakey a too iray papari. Mamapatey ira na too anggan diad dalan a mamaarap ed masanton pasen na Sikem. Gagagalaen da so panggagawa rad sayan kaogsan!

Maung a Balita Biblia

⁹ Singa olup na saray matakew a mananeb na sakey a too iray papari. Mamapatey ira na too anggan diad dalan a mamaarap ed masanton pasen na Sikem. Gagagalaen da so panggagawa rad sayan kaogsan!

Oseas 6:9 Iomraidhean Croise

Genesis 12:6

tinmuloy si Abram ya anggad masanton kiew ed More, say masanton lugar na Sikem. (Diad saman a panaon, manaayam ni rad may Cananeo.)

1 Saray Arari 12:25

Si Ari Jeroboam na Israel niliber toy padir so baley na Sikem diad nipokdul a luyag na Efraim tan nanayam diman ya agano. Tinmaynan diman tan niliber toy padir so baley na Penuel ya inalisan to.

Esdras 8:31

Tinaynan miy Ilog na Ahava nen kumalabinduan agew na ononan bulan, insan amaarap kamid Jerusalem. Kaiba mi so Dios mi tan inyagel to kamid idogpa tan panabat na saray kalaban legan min nambiahi.

Jeremias 11:9

Insan inkuan ni na Katawan ed siak, “Onlalaban ed siak iray totood Juda tan saray taga Jerusalem.

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Ezekiel 22:9

Wala ray totoom a mantitila nipaakar ed saray arum a totoo, pian napapatey da ra. Saray arum mamangan iray imbagat ed saray talintaoy diriyos. Wala ray mamepenek na kaliktan na laman da.

Ezekiel 23:27

Patondaen koy pikakaloguran tan say makapabaing a gagawaen mo nanlapu la nen wala ka nid Egipto. Ag mo lan balut linggisen iray talintaoy diriyos odino nunoten so nipaakar ed Egipto.”

Oseas 2:10

Labusan kod arap na saray kainarowan to, et anggapoy makapangyagel ed sikatod pakayarik.

Oseas 4:2

Mansisipan iray totoo, balet ag da lamlamang totooren; mantitila ra, mampapatey iray totoo, mantatakew ira, tan mankakalugoran ira. Mandakel so nagagawan krimin, tan mantotombukay panagpatey na too.

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Oseas 5:2

nagmaliw kayon sakey ya aralem ya abut ed Siudad na Acacia; dusaen ta kayon amin.

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Mikias 3:9

Dengel kayod siak, sikayo ran manoley ed Israel a mamobosul na katunongan tan mamipikewet na kaptekan.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Marcos 14:1

Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Juan 11:47

Kanyan akitongtongan na saray manonan papari tan saray Pariseo ray kabyangay Sanidrin. “Antoy gawaen tayo?” kuanda. “Dakel so milagron gagawaen to man a too.

Saray Gawgawa 4:24

Kadngel dad saya, nankakasakey iran nampikasid Dios: “Katawan, sikay amalsay tawen, dalin, dayat, tan amin a logan da!