Oseas 6:7 - Maung A Balita Biblia

⁷ “Balet kaloob da ed dalin diad Adam, dineral da so impisipanan kod sikara.

Maung a Balita Biblia

⁷ Balet kaloob da ed dalin diad Adam, dineral da so impisipanan kod sikara.

Oseas 6:7 Iomraidhean Croise

Genesis 3:11

Tinepet na Dios, “Siopay angibagad sikan labus-lakseb ka? Kinan mo sirin imay bunga ya imbagak ed sikan ag mo kanen?”

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

Say Libro nen Job 31:33

Iyaamut na arum a totoo iray kasalanan da, balet ag kon balut iyaamut iray kasalanan ko.

Isaias 24:16

Narengel mid sankaarawian a pasen na mundo iray kantan pangidayew ed Israel, say matonung a bansa. Balet anggapoy ilalon para siak! Pangaskasiyan lay kipapasen ko! Itutuloy na saray traidor so mamalikdo, tan onloloor so panagpalikdo ra.

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Jeremias 3:7

Ninunot ko, a kayari ton gawaen ira yan amin, andi-saew ya ompawil ed siak. Balet ag pinmawil, insan say malamang ya agi ton bii a Juda et anengneng to yan agawa.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Jeremias 34:18

Saray opisyal ed Juda tan Jerusalem, pati saray opisyal ed palasio, saray papari, tan amin a pangulo et akisipanan irad siak diad panamegley na indalan dad nanleetan na pinaldua ran bakan kalakyan. Balet dineral da may sipanan, ta ag da inonur iray nepeg dan gawaen onung ed impisipanan da. Kanyan gawaen kod sarayan totoo so singa samay ginawa rad baka.

Jeremias 5:11

Sigput so ag panisiad siak na saray totood Israel tan Juda. Siak, say Katawan, so nansalita.”

Oseas 5:7

Aliwa ran matoor ed Katawan; ag to kayaryan iray anak da. Kanyan ag mabayag naderal ira tan saray dalin da.

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Saray Taga Roma 5:14

Anggaman ontan, nanoley so patey manlapud kinen Adan ya anggad kinen Moises, tan anggan diad saray totoon say impankasalanan da et aliwan singa say insumlang nen Adan ed ganggay Dios. Si Adan so sakey ya anino na samay onsabi.

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.