Oseas 6:10 - Maung A Balita Biblia

¹⁰ Akanengneng ak na makapataktakot a bengatla ed Israel: Dinotakan na saray totook so sikaran dili onung ed ganggan diad pangigagalang dad saray talintaoy diriyos.

Maung a Balita Biblia

¹⁰ Akanengneng ak na makapataktakot a bengatla ed Israel: Dinotakan na saray totook so sikaran dili onung ed ganggan diad pangigagalang dad saray talintaoy diriyos.

Oseas 6:10 Iomraidhean Croise

1 Saray Arari 12:8

Balet ag dinengel nen Roboam so simbawa ra. Ingen linmad saray lalakin binmaleg a kaiba to a sikaray sumisimbawa to la natan.

1 Saray Arari 15:30

Agawa ya lapud impanpasnuk nen Jeroboam so Katawan a Dios na Israel, diad impankasalanan to tan diad impangilagyat ton nankasalanan so Israel.

2 Saray Arari 17:7

Ataloy Samaria, ta nankasalanan iray Israelita ed Katawan a Dios da ya angyagel ed sikarad ari na Egipto tan angipaway ed sikarad Egipto. Angigalang irad saray arum a diriyos,

Jeremias 18:13

Say Katawan kuanto, “Tepet mod balang bansa: Wala lay agawan singa onya nen saman? Nanggaway makapasinagem a bengatla iray totood Israel!

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Ezekiel 23:5

Anggaman ya asawak si Ahola, intuloy toy panagbilay ton marotak tan mapalaloy impikaloguran tod saray kainarowan ton taga Asiria.

Ezekiel 23:7

Sikatoy marotak a bii ya akikaloguranan na amin ya opisyal na Asiria, tan lapud kaliktan na laman to adotakan toy sikaton dili diad impangigagalang tod saray talintao na Asiria.

Oseas 4:11

Say Katawan kuanto, “Eekalen na daan tan say balon alak so kalakal na saray totook!

Oseas 4:12

Onkekerew ira na puyan a manlapud sakey a poter na kiew! Sasalitaen na sakey bastun so labay dan amtaen. Inkaindan da ak. Aliling day sakey a biin mikakaloguran, diad impanlilingkur da ed arum a diriyos.

Oseas 4:17

Saray totood Israel et wala rad silong na pakaoley da ray talintaoy diriyos. Paolyan mo ra labat ed labay da.

Oseas 5:3

Amtak so kapara na Israel—ag to ak naboryan. Aliwan matoor ed siak so Israel, tan saray totoo to et marotak ira, kanyan aliwa ran manepeg a mangigalang ed siak.”