Oseas 5:6 - Maung A Balita Biblia

⁶ Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

Maung a Balita Biblia

⁶ Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

Oseas 5:6 Iomraidhean Croise

Exodo 10:9

Inmebat si Moises, “Onla kamin amin a pati saray anak mi tan saray mamatakken ed sikami. Awiten mi ray anak min lalaki tan bibii, saray karniro, saray kanding tan saray baka mi, lapud mampista kami a pamagalang mid Katawan.”

Probirbio 1:28

Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Kanta nen Solomon 5:6

Nilukasan koy puirta ta onloob so inarok, balet naandipat la. Agaylay panlabay kon dengelen so bosis to! Inanap ko, balet ag ko nalmo; tinawag ko, balet anggapoy narengel kon ebat to.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Jeremias 11:14

Jeremias, ag ka mampipikasid siak odino ipikasim ed siak ira yan totoo. No nagunigon ira, et onkerew irad siak na tulong, ag ko ra dengelen.”

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 7:4

Tondaan yo lay panagmatalek yod managpalikdon balikas, ‘Arawi kamid kaatapan! Sikato yay Timplo na Katawan, sikato yay Timplo na Katawan, sikato yay Timplo na Katawan!’

Saray Tagleey 3:44

Sinmanib kad lorem na pasnuk, kanyan ag makasabi ray pikakasi mi.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Ezekiel 8:6

Inkuan na Dios ed siak, “Sika a toon ompatey, nanenengneng moy nagagawa? Nengneng moy makapaingungot a gagawaen dia na saray totood Israel, iyaarawi da ak lan iyaarawi ed santuariok. Makanengneng ka ni na lalon makapabaing nen saya.”

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Amos 8:12

Saray totoo et manakar ira a manlapud Inatey a Dayat ya anggad Dayat na Mediteraneo, insan ira manakar a manlapud baybay ya anggad bokig. Anapen da ed inerman a pasen so salitan manlapud Katawan, balet ag da narumog.

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Lucas 5:16

Balet si Jesus naynay ya onlad nisolinek iran pasen a mampikasi.

Juan 7:34

Anapen yo ak ed satan et ag yo ak narumog, ta ag kayo makaonla ed laen ko.”