Oseas 5:5 - Maung A Balita Biblia

⁵ Say panagpaatagey na saray totood Israel so mangaakusa ed sikara. Saray kasalanan da so makasengeg na katalo ra, tan kaiba ra met a natalo so Juda.

Maung a Balita Biblia

⁵ Say panagpaatagey na saray totood Israel so mangaakusa ed sikara. Saray kasalanan da so makasengeg na katalo ra, tan kaiba ra met a natalo so Juda.

Oseas 5:5 Iomraidhean Croise

Probirbio 11:21

Andi-saew a nadusa iray totoon maoges, balet makapaliis iray totoon matonung.

Probirbio 11:5

Say kaptekan papainomayen toy bilay na maung a too, balet say toon maoges deralen toy sikaton dili.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Probirbio 24:16

Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Probirbio 30:13

Wala ray totoon ipapasen day sikaran dili a maumaung—on, abaloan dan ontan lay kamaung da!

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Isaias 44:9

Andi-kakanaan iray amin a manggagaway talintaoy diriyos, tan anggapoy kana iray pabpablien dan diriyos. Bulag tan anggapoy mata iray mangigagalang ed sarayan diriyos—tan napelag irad kababaingan.

Isaias 59:12

“Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Oseas 4:5

Labi-agew a manggagawa kayoy kaogsan; ontan da met iray propita. Deralen ko so Israel ya ina yo.

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Oseas 7:10

Say panagpaatagey na saray totood Israel et mantatasi sumpad sikara. Anggan anto so agawa, ag ira pinmawil ed siak a Katawan a Dios da.

Oseas 8:14

“Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.”

Amos 5:2

Atumba la so birhin ya Israel, Ag lan balut makabangon! Ataynan ed dalin, Anggapoy ontulong a mamangon ed sikato.

Mateo 23:31

Kanyan aakoen yo a tuan anak kayo ray amatey ed saray propita!

Lucas 19:22

Inkuanto may amo, ‘Maoges kan katulong! Say salitam a dili so panintinsiaan kod sika! Amtam manaya a mapeget ak. Amtam manaya ya aalaen koy ag ko kayaryan, tan aanien koy ag ko intanem.