Oseas 5:15 - Maung A Balita Biblia

¹⁵ “Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Maung a Balita Biblia

¹⁵ Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.

Oseas 5:15 Iomraidhean Croise

Genesis 42:21

tan inkuan na sakey tan sakey ed sikara, “Nankasalanan itayo ed samay ginawa tayod agi tayo; anengneng tayoy baleg ya irap to nen akikasid sikatayo, balet ag tayo dinengel. Kanyan wala tayo natan ed sayan irap.”

2 Saray Awaran 7:14

no mampikasi ra tan magbabawi rad kasalanan da, tan ibeneg da ray kaogsan a gagawaen da, dengelen ko rad satan ed tawen, pirdonaen ko ray kasalanan da, tan paaligwasen ko lamet so dalin da.

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

Saray Salmo 107:13

Insan diad inkagunigon da, tinmawag irad Katawan, et inyagel to rad paniirap da.

Saray Salmo 107:19

Insan diad inkagunigon da, tinmawag irad Katawan, et inyagel to rad paniirap da.

Saray Salmo 107:28

Insan diad inkagunigon da, tinmawag irad Katawan, et inyagel to rad paniirap da.

Saray Salmo 107:6

Insan diad inkagunigon da, tinmawag irad Katawan, et inyagel to rad paniirap da.

Saray Salmo 132:14

“Diay panayaman ko ya anggad angga; diay labay kon panoleyan.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 78:34

Balet kapag wala ray pateyen tod sikara, saray nakdaan onsingger irad Dios; mampatauli ra tan masimoon iran mampikasid sikato.

Saray Salmo 83:16

Katawan, sakbungan mo pa na kababaingan so kalupaan da, tan ipabirbir mod sikaray pakayarim.

Probirbio 8:17

Inarok iray mangaarod siak; narumog ak na saray maseet a manaanap ed siak.

Isaias 18:4

Inkuan ed siak na Katawan, “Manlapud tawen ag nalikas so iyosdung ko a singa ipepelag na linaew no panaon na panaganin masalimoot so labi, odino singa ampetapetang ya agew ya onsisinag no kagkaagewan.

Isaias 26:16

Dinusam iray totoom, Katawan, tan diad paniirap da nampikasi rad sika.

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

Isaias 26:9

Masimoon ta kan pampilalekan no labi; no sintinsiaan moy mundo tan saray totoo to, naaralan da no antoy so inkatonung.

Jeremias 2:27

Nabaingan kayo, sikayon mangibabaga ya ama yoy sakey a kiew tan ina yoy sakey a baton-dampay. Nagawa ya, lapud imbatikan yo ak anta siak komuy singgeran yo. Balet no wala kayod gunigon, kerewen yon asinggeran ta kayon ilaban.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Saray Tagleey 3:40

Sukimaten tayoy kabibilay tayo, insan ompawil itayod Katawan.

Ezekiel 10:4

Inmatagey a nanlapud saramay pinalsa so kagalangay Katawan, insan dinmere ed lolooban na Timplo. Insan pinano na lorem imay Timplo, tan napno na liwawa imay patio.

Ezekiel 11:23

Insan samay kagalangan na Dios tinaynan toy siudad tan amaarap ed pasen a nibokig na siudad.

Ezekiel 20:43

Diad satan nanunotan yo ray amin a makapabaing a ginagawa yo tan no panoy impandodotak yod sikayon dili. Bosulen yoy sikayon dili lapud saray maoges a ginagawa yo.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Ezekiel 8:6

Inkuan na Dios ed siak, “Sika a toon ompatey, nanenengneng moy nagagawa? Nengneng moy makapaingungot a gagawaen dia na saray totood Israel, iyaarawi da ak lan iyaarawi ed santuariok. Makanengneng ka ni na lalon makapabaing nen saya.”

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Oseas 5:6

Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

Mikias 1:3

Say Katawan et onsasabin manlapud masanton pasen to; onakseb tan manakar ed toktok da ray kapalandeyan.

Saray Bilang 21:7

Sinmingger ed kinen Moises iray totoo tan kuanda, “Nankasalanan kami nen nansalita kamiy sumpad Dios tan sumpad sika. Ipikasim pad Katawan ya ekalen to la ra yan oleg.” Kanyan impikasi nen Moises iray totoo.

Lucas 13:25

No inmalagey lay panguloy pamilya tan inkaput to lay puirta, wala kayod paway tan ontoktok kayo. ‘Katawan,’ inkuanyo, ‘lokasan mo kami pa!’ Onebat ed satan, ‘Ag ko amta no taga iner kayo!’

Saray Huis 4:3

Si Jabin walay siam a lasus a balatyang a karwahi ton para bakal, tan duamploy taon a pinapairap ton inoleyan iray totood Israel. Insan kinmerew na tulong ed Katawan iray Israelita.