Oseas 5:13 - Maung A Balita Biblia

¹³ “Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.

Maung a Balita Biblia

¹³ Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.

Oseas 5:13 Iomraidhean Croise

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

2 Saray Arari 16:7

Angibakiy Acaz na totoo ed kinen Tiglat-pileser ya impirador na Asiria, tan impaikuanto: “Siak so matoor ya aripen mo. Dago mo ak pa, ta iyagel mo ak ed saray ararid Siria tan Israel ya ondodogpad siak.”

Isaias 3:7

Balet onebat, “Andi! Aliwan siak! Ag ta kayo natulongan. Anggapoy nakan ko a nisulong ko. Ag yo ak pagmamaliwen a pangulo yo!”

Jeremias 30:12

Inkuan na Katawan ed saray totoo to, “Ag napaabig iray sugat yo; ag la ra onabig.

Ezekiel 23:5

Anggaman ya asawak si Ahola, intuloy toy panagbilay ton marotak tan mapalaloy impikaloguran tod saray kainarowan ton taga Asiria.

Oseas 10:6

Niakar ed Asiria imay talintao tan nirigalod matalonggaring ya arid man. Napelag ed kababaingan so Israel tan nabaingan, lapud simbawan inonur to.

Oseas 12:1

Andi-kakanaan tan makaderal ya amin iray gagawaen da ray totood Israel manlapud kabwasan ya anggad labi. Mandakel so gagawaen dan panamalikdo tan panagduksa. Mipapaknaan irad Asiria tan mininigosio ra ed Egipto.”

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Oseas 2:7

Osilan to ray kainarowan to, balet ag to ra naabot. Anapen to ra, balet ag to ra narumog. Insan to ikuan, “Ompawil ak ed samay inmonan asawak, ta maung niy kipapasen na bilay ko nen kaamung ko nen say kipapasen ko natan.”

Oseas 7:11

Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Oseas 8:9

Ginawa na saray totood Israel so labalabay da, a kapara ray sakey a mabanos ya asnod katakelan. Linma ran onkerew na tulong ed Asiria tan anguupa ra na saray arum a bansan mangyagel ed sikara.

Mikias 1:9

Ag naabigan iray sugat na Samaria, tan ngalngali la manirap so Juda a singa paniirap na Samaria; asabian lay deral iray puirta na Jerusalem a panaayaman da ray totook.”