Oseas 4:9 - Maung A Balita Biblia

⁹ Nadusa kayo met a singa kadusa da ray totoo! Dusaen ta kayo tan singilen ta kayod saray maoges a gagawaen yo.

Maung a Balita Biblia

⁹ Nadusa kayo met a singa kadusa da ray totoo! Dusaen ta kayo tan singilen ta kayod saray maoges a gagawaen yo.

Oseas 4:9 Iomraidhean Croise

Probirbio 11:31

No natumangan diad tapew na dalin iray totoon matonung, andi-saew a nadusa iray totoon maoges tan makasalanan.

Probirbio 12:14

Saray salita tan gawgawa na too so pakatumangan to; say manepeg ed sikato so nagamuran to.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Isaias 24:2

Nampaparay pansumpalan na amin a totoo—saray papari tan saray totoo, saray aripen tan saray amo, saray sumasaliw tan saray lumalako, saray managpabayes tan saray bumabayes, saray mayaman tan saray mairap-bilay.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Ezekiel 44:10

Say Katawan kuantod siak, “Dusaen ko ray Levita, pati saray arum a totood Israel, ya angikaindan ed siak tan angigalang ed saray talintaoy diriyos.

Ezekiel 44:12

Balet lapud impangulo ra nen saman so impangigalang na saray totood Israel ed saray talintaoy diriyos tan lapud saya inlagyat da ran nankasalanan, siak a Katawan a Dios; sasambaan ko a nepeg day dusaen.

Oseas 1:4

say Katawan kuantod kinen Oseas, “Ingaran mo na ‘Jezreel,’ ta magano lay panusak ed Israel lapud saramay impamapatey nen laki ton Jehu diad siudad na Jezreel. Patondaen ko la so panooley nen Jehu tan saray kabyangay pamilya to.

Oseas 10:10

Dogpaan ko ra yan makasalanan a totoo tan dusaen ko ra. Mankakasakey iray bansa ya onlaban ed sikara, tan nadusa ra lapud saray amayamay a kasalanan da.

Oseas 12:2

Walay pangakusaan na ed saray totood Juda; dusaen to met so Israel lapud saray gagawaen da ray totoo to. Singilen to rad saray gagawaen da.

Oseas 12:3

Akipoligesgesan si laki ran Jacob ed kinen Esau a kalasun to nen wala ni rad eges na ina ra; nen binmaleg lay Jacob, akibalsakan ed Dios—

Oseas 7:2

Ag dan balut ninunnunot ya ag ko nalingwanan ya amin iray kaogsan da; balet aliktub ira na saray kaogsan da, tan sankanengneng ko ra.”

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Oseas 9:15

Say Katawan kuanto, “Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Oseas 9:9

Mapalaloy kaogsan a gagawaen da; singa samay kaogsan a ginagawa ra nen wala rad Gabaa. Nanunotan na Dios so kasalanan da tan dusaen to ra lapud kaogsan da.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”