Oseas 4:16 - Maung A Balita Biblia

¹⁶ Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Maung a Balita Biblia

¹⁶ Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Oseas 4:16 Iomraidhean Croise

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Isaias 22:18

Demeten to kan singa bola, insan to ka itupak ed maawang ya alog. Ompatey kad man ed abay na saray mararakep a karwahim ya ikikinon mo. Sikay mangiter na kababaingan ed pamilyay amom.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Isaias 5:17

Diad saray deral-deral na saray siudad mankabkab na dika iray kordiro tan makalmo ray napankabkaban iray kilaw na kanding.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 3:11

Insan inkuan na Katawan ed siak, “Anggaman ya inkaindan ak na Israel, impanengneng to balet a maung ni nen si malamang a Juda.”

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Jeremias 31:18

“Narerengel kon maermen ya ibabaga na saray Israelita, ‘Katawan, nen saman singa kami maatap a bakan kalakyan, balet binabangatan mo kamin ontoluk. Papawil mo kami pa; sipaparaan kamin ompawil ed sika, Katawan a Dios mi.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Jeremias 8:5

Totook, akin et onaarawi kayod siak tan ag kayo ompawil? Ag kayo oniikban ed saray talintaoy diriyos yo tan ag yo labay so ompawil ed siak.

Oseas 10:11

“Nen saman, say Israel et singa sakey a malangwer a bakan maung so inkipasal to; matintinunos a manilik. Balet ginetmak a pakuan so balibalin tenger to tan sintaan ko a mankimey na mairap. Impasen ko a manggoyur na lukoy so Juda tan mansagar so Israel.

Oseas 11:6

Ondalan ed saray siudad da so bakal tan nageba ray puirta na siudad da. Deralen na bakal iray totook lapud gagawaen da so abaloan dan sankamaungan.

Oseas 11:7

Impasoot day ontaynan ed siak. Oneyag ira lapud pakod tenger da, balet anggapoy mangekal na samay pako ra.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Zacarias 7:11

“Balet anawet so olo da ray totook; ag ira dinmengel. Kinaputan day isip da.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.