Oseas 4:15 - Maung A Balita Biblia

¹⁵ “Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Maung a Balita Biblia

¹⁵ Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Oseas 4:15 Iomraidhean Croise

2 Saray Awaran 17:4

Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.

2 Saray Awaran 21:11

Nanggagawa ni ingen met ed saray pokdul na Juda na saray paganon pasen a panangigalangan tan inlagyat ton nankasalanan ed Katawan iray totoo na Juda tan Jerusalem.

Isaias 48:1

Dengel yo ya, sikayo ran totood Israel, sikayo ran totoon say sengeg yo et si Juda: Mansasamba kayod ngaran na Katawan tan ibabaga yon igagalang yoy Dios na Israel— balet anggapoy kabaliksan iray salita yo.

Jeremias 44:26

Balet natan dengel kayod samba, a siak a Katawan et ginawak diad makapanyarin ngaran ko ed sikayon amin ya Israelita a walad Egipto: Ag ko lan balut abuloyan so siopaman ed sikayo a mangikanay ngaran ko diad pansamba to a kuanto, ‘Nitay Katawan a Dios a mabilay!’

Jeremias 5:2

Anggaman a mansasamba kayod ngaran na Katawan, ag yo lamlamang totooren iray salita yo.

Ezekiel 20:39

Say Katawan a Dios kuanto, “Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 10:8

Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

Oseas 11:12

Say Katawan kuanto, “Saray totood Israel et niliktub da ak na saray tila tan palikdo, tan saray totood Juda et siansia nin onlalaban irad siak, say matoor tan masanton Dios.

Oseas 12:1

Andi-kakanaan tan makaderal ya amin iray gagawaen da ray totood Israel manlapud kabwasan ya anggad labi. Mandakel so gagawaen dan panamalikdo tan panagduksa. Mipapaknaan irad Asiria tan mininigosio ra ed Egipto.”

Oseas 12:11

Balet siansian nagagalang ed Galaad iray talintaoy diriyos, et ompatey iray mangigagalang ed saray talintao. Nibagat ed Gilgal iray baka, et magmaliw iran bunton na saray bato diad saray maawang a kaalogan iray altar diman.”

Oseas 12:12

Si laki tayon Jacob et apasoot ya ombatik ed Mesopotamia, a diman angatulangan diad impankokomponi to na saray karniro, pian makalay asawaen to.

Oseas 4:12

Onkekerew ira na puyan a manlapud sakey a poter na kiew! Sasalitaen na sakey bastun so labay dan amtaen. Inkaindan da ak. Aliling day sakey a biin mikakaloguran, diad impanlilingkur da ed arum a diriyos.

Oseas 5:8

Sibuk yod Gabaa iray trumpitan panawag na bakal! Paknul yod Rama so pamasakbay. Iyeyag yo ed Bet-haven so para bakal! Lalaki a taga Benjamin, dogpa kayo lan mibakal!

Oseas 9:15

Say Katawan kuanto, “Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Amos 4:4

Say Katawan a Dios kuanto, “No tuan ag kayo napatonda, laka yod masanton pasen ed Betel, sikayo ran totood Israel, ta mankasalanan kayo! Laka yod Gilgal tan mankasalanan kayo ed anggaay nayarian yo! Mangawit kayo na saray ayayep ya ibagat yon kinabwasan, tan iyakar yon kapag mikatlon agew iray kakaplo yo.

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”

Amos 6:10

Say kanayon na too a sikatoy makaoley ed tolur et ipaway tod abung so bangkay. Samay kanayon ontawag ed siopaman ya atilak ed abung, “Wala nid tay atilak a kaibam?” Say too onebat, “Anggapo!” Insan samay kanayon kuanto, “Ag ka maknul! Nepeg tayoy manalwar; ag tayo nepeg a bitlaey anggan ngaran na Katawan.”

Amos 8:14

Natumba tan ag la makabangon iray totoon mansasamba ed saray talintaod Samaria a kuanda, ‘Diad ngaran na dios na Dan,’ odino ‘Diad ngaran na dios na Beer-seba.’”

TAGA-EFESO 5:11

Ag kayo mibabalid andi-kakanaan iran gagawaen na totoon walad bilonget, no ag ingen iparontal yo rad silew.

Josue 5:9

Inkuan na Katawan ed kinen Josue, “Natad sayan agew inekal kod sikayo so kababaingan yo lapud impakaaripen yod Egipto.” Sikato yay makasengeg ya atawag iman a pasen na Gilgal, anggad natan.

Josue 7:2

Si Josue angibaki na saray lalaki a manlapud Jerico ta onla ra ed Ai, sakey a siudad ed bokig na Betel tan asingger ed Bet-aven. Ingganggan to ran onla a mannengneng na dalin. Nen asumpal da lay angibakian ed sikara,