Oseas 4:14 - Maung A Balita Biblia

¹⁴ Anggaman ontan ag ko ra dusaen ed saya, lapud sikayon dili et miaakdul kayo ed saray marotak a bibiid timplo, tan kaiba yo ran mangisasaklang na saray bagat da ray pagano. Onung na ibabagay sakey a probirbio, ‘Naderal iray totoon anggapoy kalakal da.’

Maung a Balita Biblia

¹⁴ Anggaman ontan ag ko ra dusaen ed saya, lapud sikayon dili et miaakdul kayo ed saray marotak a bibiid timplo, tan kaiba yo ran mangisasaklang na saray bagat da ray pagano. Onung na ibabagay sakey a probirbio, Naderal iray totoon anggapoy kalakal da.

Oseas 4:14 Iomraidhean Croise

1 Saray Arari 15:12

Pinataynan tod bansa iray amin a lalaki tan bibiin marotak a manlilingkur ed saray paganon altar, tan inekal to ray amin a talintaoy diriyos a ginagawa na saray akaonan nanoley nen say sikato.

2 Saray Arari 23:7

Dineral to ray kuarton walad dalem na Timplo ya ayaman na saray marotak a bibii tan lalaki. (Diman so nanggagawaan na saray bibii ed saray kawes ya inkakanad pangigalang ed Asera.)

Probirbio 28:5

Saray totoon maoges ag da amta so kabaliksan na inkatonung, balet saray mangigagalang ed Katawan sigput dan natatalusan.

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Oseas 4:1

Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Oseas 4:17

Saray totood Israel et wala rad silong na pakaoley da ray talintaoy diriyos. Paolyan mo ra labat ed labay da.

Oseas 5:4

Say kaogsan a ginagawa na saray totoo so makaskasbel na ipawil dad Dios da. Say panangigalang ed saray talintaoy diriyos so mabiskeg a manesebel ed sikara tan ag da bibirbiren so Katawan.

Amos 2:7

Igagatin da ray totoon makapkapoy tan pangaskasiyan ed kipapasen tan ipapaliis dad dalan iray mairap-bilay. Saray sanama et miaakdul irad saksakey a biin aripen, kanyan dodotakan da onung ed ganggan so masanton ngaran ko.

Amos 7:17

Lapud saya, Amasia, say Katawan kuantod sika. ‘Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.’”

Saray Bilang 25:3

Baal a dios na Peor. Kanyan akapasnuk so Katawan ed sikara

Juan 8:43

Akin et ag yo natatalusay ibabagak? Lapud ag ki ondengel na salitak.

Saray Taga Roma 3:11

anggapoy makatalus o manaanap ed Dios.

1 CORINTO 6:16

Ag yo ta amtan say lakin miakdul ed marotak a bii et mankasakey irad laman? Ta ibabagay Masanton Sulat, “Magmaliw a saksakey a laman iran dua.”

TAGA-EFESO 4:18

tan ambilonget so pakatalus da. Anggapoy pinanabang dad bilay ya iiter na Dios, lapud anggapoy amta ra tan anawet so puso ra.

Deuteronomio 23:17

“Sebel ed siopaman ya Israelita, bii may laki, so magmaliw a babayaran a too ed timplo.

Saray Hebreo 12:8

No ag kayo nadusa, a singa kadudusa da ray amin ya anak to, aliwa kayon tuan anak no ag ta anak ed paway.