Oseas 4:11 - Maung A Balita Biblia

¹¹ Say Katawan kuanto, “Eekalen na daan tan say balon alak so kalakal na saray totook!

Maung a Balita Biblia

¹¹ Say Katawan kuanto, Eekalen na daan tan say balon alak so kalakal na saray totook!

Oseas 4:11 Iomraidhean Croise

Probirbio 20:1

Say alak pagmaliwen to kan maingal tan makulang-kulang. Inkakulang-kulang so pambuwek.

Probirbio 31:4

Dengel ka, Lemuel. Ag nepeg ya oninom na alak iray arari, odino pampilalekan dan inomen iray mabayanin iinomen.

Probirbio 6:32

Balet anggapoy kalakal so lakin mikakaloguran. Dederalen to labat so sikaton dili.

Ecclesiastes 7:7

Say toon makabat a manasaol na kapara ton too et singa lamlamang toon makulang-kulang. Say pasoksok deralen toy maung ya inkatoo.

Isaias 28:7

Abuek iray pati propita tan saray papari, kanyan mandongilngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Jeremias 23:13

Anengneng koy kasalanan na saray propitad Samaria; nampropisiya rad ngaran nen Baal, tan imbalang da ray totook ya Israelita.

Oseas 4:12

Onkekerew ira na puyan a manlapud sakey a poter na kiew! Sasalitaen na sakey bastun so labay dan amtaen. Inkaindan da ak. Aliling day sakey a biin mikakaloguran, diad impanlilingkur da ed arum a diriyos.

Oseas 5:4

Say kaogsan a ginagawa na saray totoo so makaskasbel na ipawil dad Dios da. Say panangigalang ed saray talintaoy diriyos so mabiskeg a manesebel ed sikara tan ag da bibirbiren so Katawan.

Oseas 7:11

Singa anggapoy kalakal a malapati so kapara na Israel. Nen inmona saray totoo to akikerew iray tulong ed Egipto, insan ira linma ed Asiria!

Levitico 10:9

“Sika tan saray lalakin anak mo et ag nepeg ya onloob ed Tuldan Ayaman ko kayari yon oninom na alak odino arum nin mabayanin inomen, ta no gawaen yo ya, ompatey kayo. Sikato ya so sakey a ganggan a nepeg a sumpalen na amin a kabyangay boleg mo.

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

1 Samuel 25:36

Amawil lay Abigail ed kinen Nabal a diad abung to walay baleg a ponsian manepeg a para ari. Abuek la tan masayaksak so nengneng to, kanyan anggapo lay imbaga nen Abigail ed sikato anggad kabwasan.