Oseas 4:10 - Maung A Balita Biblia

¹⁰ Kanen yoy betang yo ed saray bagat, balet ag kayo nin siansia napesel. Igagalang yo ray diriyos a makapalokun, balet siansian ag kayo makaanak, lapud imbeneg yo ak diad intombuk yod saray arum a diriyos.”

Maung a Balita Biblia

¹⁰ Kanen yoy betang yo ed saray bagat, balet ag kayo nin siansia napesel. Igagalang yo ray diriyos a makapalokun, balet siansian ag kayo makaanak, lapud imbeneg yo ak diad intombuk yod saray arum a diriyos.

Oseas 4:10 Iomraidhean Croise

2 Saray Awaran 24:17

Balet kapatey nen Joiada, tinanggoyur na saray pangulo na Juda si Ari Joas ya ondengel ed sikara.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 36:3

Maoges iray salita to tan tila ran amin; ag to la manggagawa na ontokuy ed kakabatan tan kamaungan.

Probirbio 13:25

Malaem so kakanen na saray totoon matonung, balet kulang lawas so kakanen da ray totoon maoges.

Jeremias 34:15

Agano nin angoman kayoy kanunotan tan ginawa yoy makapaliket ed siak. Nampapakna kayon amin ya ibolus yo ray kapara yon Israelita, tan akisipanan kayo diad arap ko, diad dalem na Timplo a pangigagalangan ed siak.

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Ezekiel 22:9

Wala ray totoom a mantitila nipaakar ed saray arum a totoo, pian napapatey da ra. Saray arum mamangan iray imbagat ed saray talintaoy diriyos. Wala ray mamepenek na kaliktan na laman da.

Oseas 4:14

Anggaman ontan ag ko ra dusaen ed saya, lapud sikayon dili et miaakdul kayo ed saray marotak a bibiid timplo, tan kaiba yo ran mangisasaklang na saray bagat da ray pagano. Onung na ibabagay sakey a probirbio, ‘Naderal iray totoon anggapoy kalakal da.’

Oseas 7:4

Traidor tan aliwa ran matoor ya amin. Say petang na olo ra et singa ambalbalangan ngalab ed pogun ya ag ni ginalaw na panadiro ya anggad naluluto la so masa.

Levitico 26:26

Patondaen koy pangyakar na kakanen yo, kanyan say samploran bibii nakaukolan da labat so sakey ya ornowan a panggawaan dad amin a tinapay da. Ibunog day tinapay da ta no naakan yo lan amin, narasan kayo nin siansia.

Mikias 6:14

Mangan kayo, balet ag kayo napesel—diad tuay tua narasan kayo ni. Ibatik yoy amin a bengatla, balet ag yo ra niyagel; deralen kod bakal so antokaman a niyagel yo.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.