Oseas 2:9 - Maung A Balita Biblia

⁹ Kanyan no panagani babawien kod sikato ray rigalok a trigo tan alak, alaen kod sikato ray lana tan linen a kawes ya inter kod sikato.

Maung a Balita Biblia

⁹ Kanyan no panagani babawien kod sikato ray rigalok a trigo tan alak, alaen kod sikato ray lana tan linen a kawes ya inter kod sikato.

Oseas 2:9 Iomraidhean Croise

Ezekiel 16:27

“Natan, inayag koy ponitik a manusad sika tan ekalen koy apag mo ed bindision ko. Impalima ta ka ed saray Filisteo a mamobosul ed sika tan nanaingungotan irad mabanday a kagagawam.

Ezekiel 16:39

Paoleyan ta kad sikara, tan temek-temeken da ray pasen ya akikiakdulan mod saray arum tan angigagalangan mod saray talintaoy diriyos. Alaen dad sika ray kawes mo tan saray alahas mo, insan da ka taynan a labus-lakseb.

Ezekiel 23:26

Bingbingkasen day kawes mo tan alaen da ray alahas mo.

Daniel 11:13

“Ompawil so ari na Siria ed bansa to tan mantipon na lalon dakerakel a sondalo nen samay inmona. No onsabiy manepeg a panaon, onla lamet ed Egipto a kaiba to ray sondalon amayamay tan dugay armas da tan malaem so abasto ra.

Oseas 2:3

No ag to tondaan so gagawaen to, lakseban ko tan paolyan kon singa kapawapaway tod eges na ina to. Pagmaliwen kon singa kalawakan a kinmelang, et ompatey ed kaapgaan.

Oseas 8:7

No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

Oseas 9:2

Balet ag mabayag kulang so trigo yo tan say larak na oliba yo, tan anggapo la so alak.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Sofonias 1:13

Nasamsam iray kayamanan da tan naderal iray kaabungan da. Ag iran balut makapanayam ed abung ya ipapaalagey da odino natawayan so alak a manlapud itatanem dan kaubasan.”

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”