Oseas 14:9 - Maung A Balita Biblia

⁹ Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Maung a Balita Biblia

⁹ Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Oseas 14:9 Iomraidhean Croise

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

Say Libro nen Job 17:9

Saray ipapasen day sikaran dili a maptek laloy panisia ra a sikaray duga.

Saray Salmo 107:43

Nudnunoten komun na saray makabat ira yan bengatla; motekteken da komun so ag mangoman a panangaroy Katawan.

Saray Salmo 119:128

Kanyan oonuren ko ray amin a bili-bilin mo; kabusol kon amin iray maoges a kagagawa.

Saray Salmo 119:75

Amtak, Katawan, a maptek iray sintinsiam; amtak met a dinusa mo ak ta matoor ka.

Saray Salmo 84:5

Agaylay liket da ray totoon manlalapud sikay biskeg da, tan mampipilalek iran onla a mangidayew ed sika diad Palandey na Sion.

Saray Salmo 84:7

Diad panaakar da lalon ombibiskeg ira; nanengneng dad Sion so Dios da ray diriyos!

Probirbio 10:29

Iyaagel na Katawan iray totoon maptek so panagbilay da, balet dederalen to ray totoon kaogsan so gagawaen da.

Probirbio 16:21

Amta so toon makabat lapud pakatalus to. No lalon marakep iray salita to, sikatoy lalon makaayayat.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Isaias 1:28

Balet deralen toy balang sakey a mankakasalanan tan onlalaban ed sikato; pateyen toy siopaman a mangikaindan ed sikato.

Isaias 17:8

Ag la rad satan manmatalek ed saray altar a ginaway dilin lima ra, odino manmatalek ed dinan man a ginawa ra—saray tanda na diosan Asera tan saray altar a panagpoolan na insinso.

Isaias 26:7

Katawan, pararakepen moy dalan da ray totoon matonung; palanas so dadalanen da.

Jeremias 29:12

Insan kayo ontawag ed siak ed satan. Ondago kayod siak tan mikasi kayo, et ebatan ta kayo.

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Ezekiel 11:18

No ompawil ira, ibantak da ray amin a narurumog dan marotak tan makapaingungot a talintaoy diriyos.

Ezekiel 18:25

“Balet kuanyo, ‘Aliwan matonung so gagawaen na Katawan a Dios!’ Dengel yo ak, sikayo ran Israelita. Abaloan yo aliwan maptek so gagawaen ko? Saray gagawaen yo ingen so aliwan maptek.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Sofonias 3:5

Balet wala nin siansiad siudad so Katawan; say kamaungan so gagawaen to lawas ya aliwan say kaogsan. Kapag kabwasan ya ag balut nasaew, gagawaen toy katonungan ed saray totoo to. Balet itutuloy na saray totoon maoges so panggagawa ray kaogsan tan ag ira ambaing.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

Mateo 11:19

Sinmabiy Anak na Too, mangakan tan oniinom, balet kuanda, ‘Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan!’ Anggaman ontan, diad saray gawgawa so pakapatnagan a tua so kakabatay Dios.”

Lucas 2:34

Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Lucas 7:23

Maliket so toon ag naekalay pananisia ed siak!”

Juan 15:24

Anggapo komuy kasalanan da no ag ak nanggagawad pegley da na saray kimey ya anggapo niy toon akagawa. Balet natan anengneng da ray ginagawak, et siansian bobosulen da ak tan say Amak.

Juan 18:37

Tinepet nen Pilato, “No ontan sirin, sakey kan ari?” Inmebat si Jesus, “Ibabagam la a sakey ak ya ari. Say makasengeg no akin et nianak tan linma ak ed sayan mundo et say pantasik ed katwaan. Siopamay walad katwaan ondengel ed siak.”

Juan 8:47

Say anak na Dios dedengelen to ray salitay Dios. Aliwa kayon anak na Dios, kanyan ag yo dedengelen iray salita to.”

Juan 9:39

Inkuanen Jesus, “Linma ak diad mundo a manintinsia, pian makanengneng iray bulag tan nabulag iray makanengneng.”

Saray Gawgawa 13:10

tan inkuanto, “Sika ya anak na Diablo! Kalaban moy amin a kamaungan, tan napno kay amin a panamalingo tan kaogsan! Akin et pipikeweten mo ray katwaan a nipaakar ed Katawan?

Saray Taga Roma 7:12

Masanto sirin so Ganggan, tan amin ya ibabagay ganggan et masanto, matonung, tan maung.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!