Oseas 13:8 - Maung A Balita Biblia

⁸ Dogpaan ta kayo a singa sakey ya uson imbatik da ray anak to, tan wabwaben ko ray pagew yo. Singa ak lion a buagen ta kayod kawalaan yo, tan singa ak ayep ed katakelan a mamingbingkas ed sikayo.

Maung a Balita Biblia

⁸ Dogpaan ta kayo a singa sakey ya uson imbatik da ray anak to, tan wabwaben ko ray pagew yo. Singa ak lion a buagen ta kayod kawalaan yo, tan singa ak ayep ed katakelan a mamingbingkas ed sikayo.

Oseas 13:8 Iomraidhean Croise

2 Samuel 17:8

Amtam a si amam a David tan saray totoo to et maung iran mibakal; masebeg iran singa uson kabatyan ya imbatik iray anak to. Likud nid saya, abayag lan mibabakal si amam, kanyan no labi ag onoogip a kaiba to ray totoo to.

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Saray Salmo 80:13

naalibuk tan natumba na saray animolok, tan nabwag na saray ayayep ed katakelan.

Probirbio 17:12

Magmaung niy makasabat na uson imbatik da ray anak to nen say makasabat na toon makulang-kulang a walay getma ton maoges a gawaen.

Isaias 5:29

Saray sondalo et mangngongwam iran singa lion ya akapatey na ayep tan aawiten tod pasen ya anggapoy makasamsam ed sikara.

Isaias 56:9

Say Katawan imbaga tod saray arum a bansa ya ondago ran singa saray ayayep ed takel tan buagen da ray totoo to.

Jeremias 12:9

Saray pinilik a totoo et singa ra sakey a manok a niliktub tan sinibar na saray baga. Padago yo ray ayayep ed katakelan, ta pampera yo ran mangan!

Jeremias 25:38

Inkaindan na Katawan iray totoo to a singa lion ya ontataynan ed ongib to. Nagmaliw a kalawakan so bansa ra lapud baleg a bakal tan lapud mapalalon petang na olo na Katawan.

Oseas 2:12

Deralen koy kaubasan to tan saray kakiewan ton igos, ya onung ed imbaga to iniiter ed sikato na saray kainarowan to, lapud panlilingkur tod sikara. Pagmaliwen kon kalawakan iray kaubasan to tan saray kakiewan to; deralen ira na saray ayayep ed katakelan.

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.