Oseas 12:7 - Maung A Balita Biblia

⁷ Say Katawan kuanto, “Saray totood Israel et masaol iran singa saray Cananeo; labalabay dan saolen iray sumasaliw diad panamegley na masaol a simbangan.

Maung a Balita Biblia

⁷ Say Katawan kuanto, Saray totood Israel et masaol iran singa saray Cananeo; labalabay dan saolen iray sumasaliw diad panamegley na masaol a simbangan.

Oseas 12:7 Iomraidhean Croise

Genesis 49:18

“Manalagar ak na panangilaban mo, Katawan.

Probirbio 11:1

Kabosul na Katawan so masaol a simbangan, balet maliket ed dugan simbangan.

Probirbio 16:11

Labay na Katawan a saray simbangan tan sukatan et anggapoy kasaolan tan anggapoy tilaan ed panaglako.

Isaias 3:5

Mampapairapan tan manlalamesan so balang sakey ed sikara. Saray tobun-balo ag da pagalangan iray pangulowan da, tan saray andi-kakanaan a totoo ag da italtalek iray walad pakaoley.

Isaias 56:1

Say Katawan kuantod saray totoo to, “Gawa yo so katonungan tan kaptekan, ta ag mabayag ilaban ta kayo.

Ezekiel 16:3

Ibagam ed Jerusalem so ibabagad sikato na Katawan a Dios: “Nianak ka ed dalin na Canaan. Sakey ya Amorreo so amam tan sakey a Heteo so inam.

Ezekiel 22:29

Saramay mamayaman mansasaol tan mantatakew ira. Papairapen da ray mairap-bilay tan sasaolen da ray sangkaili.

Ezekiel 28:5

Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Joel 2:12

“Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Amos 2:7

Igagatin da ray totoon makapkapoy tan pangaskasiyan ed kipapasen tan ipapaliis dad dalan iray mairap-bilay. Saray sanama et miaakdul irad saksakey a biin aripen, kanyan dodotakan da onung ed ganggan so masanton ngaran ko.

Amos 3:9

Ibawag mod saray manaayam ed saray palasiod Egipto tan Asdod: “Mantitipon kayod saray pokdul ed kaliber-liber na Samaria, ta nengneng yoy baleg a gewgew tan saray nagagawa a krimin diman.”

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Zacarias 14:21

Amin a bangan lotowan ed Jerusalem tan diad intiron Juda et nibiig ira ya ikana ed pangigalang ed Katawan a Makapanyarin-amin. Ikana na saray totoon mangibagat a panlambungan na karni na saray ibagat. No onsabiy tan a panaon anggapo la ray mannigosio ed dalem na Timplo na Katawan a Makapanyarin-amin.

Zacarias 5:8

Samay anghil kuanto, “Sayan bii iriritrato to so kaogsan.” Insan to intelmer ed baskit imay bii tan sinakuban to.

Zacarias 7:9

“Nen saman saya so salitak ed saray totook: ‘Nepeg yon gawaen so inkatonung, tan mankakasiyan tan manaarowan so sakey tan sakey ed sikayo.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Juan 2:16

Kuantod saray managlakoy malapati, “Ipaway yo dia ra tan! Ag yo gagawaen a tindaan so abung na Amak!”

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”